Սպասում ենք վաղվան, որ գան, սահմանային ճշգրտումներ անեն. Կութի գյուղապետ
Այս պահի դրությամբ Գեղարքունիքի մարզի Կութ գյուղում իրավիճակը նույնն է, ինչ եղել է նախորդ օրերին. ադրբեջանական զորքը շարունակում է մնալ Հայաստանի տարածքում։ Այս մասին այսօր՝ մայիսի 17–ին, NEWS.am-ի հետ զրույցում ասաց գյուղի վարչական ղեկավար Սիմա Չիտչյանը։
«Մենք մեր տեղում ենք կանգնած, իրենք՝ իրենց։ Պարբերաբար մեքենաներ են գալիս, երեւի հերթափոխում են. այսքանն ենք միայն տեսնում։ Սպասում ենք վաղվան, որ գան, սահմանային ճշգրտումներ անեն։ Մեզ պաշտոնապես ոչինչ չի ասվել, լսել ենք, որ վաղը այն նույն հանձնաժողովը, որը Սյունիքում է եղել, վաղը պետք է գա այստեղ»,– պատմեց գյուղապետը։
Ավելի վաղ մեզ հետ զրույցում Սիմա Չիտչյանն ասել էր, որ մայիսի 12–ին ադրբեջանցիները Հայաստանի պետական սահմանը հատել են նաեւ Գեղարքունիքի մարզի Կութ գյուղի շրջակայքում։
Վարչապետի պաշտոնակատար Նիկոլ Փաշինյանն այսօր հրավիրված Անվտանգության խորհրդի նիստում հայտարարել է, որ սկսած ամսի 14-ից՝ ադրբեջանական զինծառայողների որոշ խմբեր դուրս են եկել Հայաստանի Հանրապետության տարածքից։
«Նման պրոցես տեղի է ունեցել նաեւ երեկ՝ երեկոյան, նաեւ նախանշան կա, որ կարող է այսօր տեղի ունենալ, բայց ընդհանուր առմամբ, ռազմաքաղաքական իրադրությունն ամսի 12-ից հետո համարում եմ անփոփոխ»,– ԱԽ նիստին հայտարարել էր Փաշինյանը, ապա ֆեյսբուքյան իր էջում գրել, որ Անվտանգության խորհրդի նիստից հետո հայ-ադրբեջանական սահմանի որոշ հատվածներում նկատվել է ադրբեջանական ուժերի կողմից լարվածության աճ:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս