Կիպրոսի իշխանությունները մայիսի 17-ից կթուլացնեն կարանտինային սահմանափակումները
Կիպրոսի Հանրապետության իշխանությունները երկուշաբթի օրվանից կթուլացնեն սահմանափակումները, որոնք շարունակում էին ուժի մեջ մնալ մայիսի 10-ին խիստ կարանտինից դուրս գալուց հետո: Որոշումն ուրբաթ օրը ընդունվել է կղզի-պետության նախարարների կաբինետի կողմից՝ բնակչության ակտիվ պատվաստումների պայմաններում նկատվող համաճարակային իրավիճակի ընդհանուր բարելավման ֆոնին, հայտնում է ՏԱՍՍ-ը:
Մասնավորապես, նախատեսվում է պարետային ժամի տեւողության կրճատում, որը մայիսի 17-ից կսկսվի ոչ թե 23:00-ից, այլ կեսգիշերից եւ կգործի մինչեւ առավոտյան ժամը 05։00-ն: Բացի այդ, մարդիկ կկարողանան ազատորեն օգտվել սպասարկման ոլորտի մի շարք օբյեկտներից՝ առանց անձի մոտ կորոնավիրուսի բացակայությունը հաստատող SafePass հավելվածից օգտվելու:
Ինչպես կառավարության նիստից հետո պարզաբանել է առողջապահության նախարար Կոնստանտինոս Իոաննուն, «SafePass-ը շարունակում է պարտադիր մնալ բոլոր փակ հասարակական վայրերում, ինչպիսիք են առեւտրի կենտրոնները, թատրոնները, կինոթատրոնները, աղոթատեղիները», ինչպես նաեւ համաժողովների եւ ցուցահանդեսների ժամանակ: Այնուամենայնիվ, ըստ նրա, հաջորդ երկուշաբթի օրվանից «SafePass-ն այլեւս չի պահանջվի բաց տարածքներում, ինչպիսիք են բացօթյա սննդի կետերը, թատրոններն ու կինոթատրոնները եւ այլն»:
նախարարի խոսքով՝ հունիսի 10-ից կղզում կգործեն գիշերային ակումբները, որոնց գործունեությունը կկարգավորվի կարանտինային սահմանափակումներից դուրս գալու ճանապարհային քարտեզով, ինչպես նաեւ նոր սանիտարական արձանագրությամբ, որը պատրաստ կլինի առաջիկա օրերին:
Իոաննուն ընդգծել է, որ կղզում ընդհանուր համաճարակային պատկերը թույլ է տալիս սահմանափակումների նոր թուլացում: Նա հայտնել է, որ ակտիվ պատվաստումների եւ բնակչության սոցիալական պատասխանատվության բարձրացման ֆոնին գրանցվել են թեստ հանձնողների շրջանում վարակակիրների թվի, ինչպես նաեւ կորոնավիրուսով հոսպիտալացվածների թվի կրճատում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները