Սլովենիայի նախագահը ԵՄ-ին հորդորել է արագացնել Արևմտյան Բալկանների վեց երկրների ընդունման գործընթացը
Սլովենիայի նախագահ Բորուտ Պահորը Եվրամիությանը կոչ է արել արագացնել Արեւմտյան Բալկանների վեց երկրներին ընդունելու գործընթացը՝ այն տարածաշրջանում կայունության պահպանման որոշիչ քայլ անվանելով, հայտնում է Reuters-ը:
Եվրոպան եւ ԱՄՆ-ն հայտարարում են, որ Արեւմտյան Բալկանները, այդ թվում՝ Ալբանիան, Բոսնիան, Կոսովոն, Չեռնոգորիան, Հյուսիսային Մակեդոնիան եւ Սերբիան, ի վերջո կմիանան ԵՄ-ին:
Սերբիայի նախագահ Ալեքսանդր Վուչիչի հետ հանդիպումից հետո Պահորն ասել է, որ ԵՄ ընդլայնումը դեպի Արեւմտյան Բալկաններ «աշխարհաքաղաքական անհրաժեշտություն» է, բայց տարածաշրջանը պետք է համատեղ շարժվի դեպի ԵՄ անդամակցություն:
«Ընդլայնումը պետք է ավելի արագ լինի... Շատ լավ կլիներ, եթե տարածաշրջանի բոլոր երկրները քիչ թե շատ կարողանային միասին անդամակցել ԵՄ-ին»,- ասել է Պահորը: Նա հույս է հայտնել, որ տարածաշրջանի երկրները «համապատասխան հաղորդագրություն կուղարկեն Բրյուսելին» Սլովենիայում տարածաշրջանային գագաթնաժողովին, որը տեղի կունենա հաջորդ շաբաթ:
«Միայն եթե այս տարածաշրջանի (Արեւմտյան Բալկանները) բոլոր երկրները համեմատաբար արագ մտնեն ԵՄ, տարածաշրջանը կարող է պահպանել խաղաղությունը, անվտանգությունն ու կայունությունը»:
Հարավսլավյան նախկին վեց հանրապետություններից Սլովենիան եւ Խորվաթիան անդամակցել են ԵՄ-ին, Սերբիան եւ Չեռնոգորիան անդամակցության թեկնածուներ են, իսկ Բոսնիան եւ Կոսովոն մեծ տարբերությամբ հետ են մնում:
Անդամակցությանը միանալու գործընթացը դանդաղել էր 2019-ին այն բանից հետո, երբ Ֆրանսիան եւ Նիդեռլանդները դեմ հանդես եկավ ժողովրդավարության բարելավմանը եւ կոռուպցիայի դեմ պայքարին ուղղված ջանքերի բացակայության պատճառով:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները