Հանրային հեռուստաընկերությունը ՄԻՊ-ին քաղաքականացնում է, չի լուսաբանում Պաշտպանի հայտարարությունները Սյունիքի վերաբերյալ, չի լուսաբանել այցը Սյունիք. Արման Թաթոյան
Հանրային հեռուստաընկերությունը անկախ մարմնին` Մարդու իրավունքների պաշտպանին քաղաքականսցնում է։ Այս մասին այսօր Հանրայինի եթերում հայտնեց ՀՀ մարդու իրավունքների պաշտպան Արման Թաթոյանը։
Մարդու իրավունքների պաշտպանը հենց Հանրային հեռուստաընկերության եթերում վերահաստատեց իր դիրքորոշումը, որ հեռուստաընկերությունը գրեթե չի լուսաբանում Պաշտպանի հայտարարությունները, որոնք վերաբերում են Սյունիքում առկա իրավիճակին, սահմանային բնակիչների խնդիրներին:
«Ես ասել եմ` ՄԻ պաշտպանի հայտարարությունները Սյունիքի հետ կապված Հանրայինը չի լուսաբանում։ Հանրայինը չի լուսաբանել նաև իմ ու ՀՀ նախագահի համատեղ այցը Սյունիքը, հովիվի քաշքշոցը ադրբեջանցիների կողմից չի լուսաբանվել։ Խնդիրն այն է, որ մեսիջները պետք է փոխանցվեն, ՄԻՊ հայտարարությունները կարևոր են, քանի որ պարունակում են կոնկրետ ուղերձներ և անհրաժեշտ են հետագայում մարդկանց իրավունքներն ավելի արդյունավետ պաշտպանելու համատեքստում»,- ասել է Թաթոյանը:
Հանրայինի տաղավար հրավիրած լրագրող Պետրոս Ղազարյանն ասաց, որ Հանրայինը նախագահի այցը լուսաբանել է և հավելեց. «Ես ուզում եմ Ձեզ հիշեցնել, որ Դուք իշխանության հակառակ կողմը չեք, և եթե ինչ-որ մեկը Ձեզ Ձեր ուզած ձևով չի լուսաբանում, դա ավտոմատ չի նշանակում դառնալ իշխանական քարոզ, իսկ եթե այդպես է, ինչպես Դուք եք պնդում, ուրեմն Դուք ընդդիմադիր եք»:
Հակադարձելով՝ Արման Թաթոյանն ասաց, որ եկել է հարցազրույցի և ոչ թե Ղազարյանի գնահատականների համար:
«Դուք հիմա գնահատականներ եք տալիս և նաև շահարկող բնույթի խոսքեր ասում: Խնդրում եմ այդպես չանել, իջացրեք ձեր տոնը: Ես եկել եմ այստեղ՝ հարցեր լսելու և հարցերին պատասխաններ տալու»,- ասաց Թաթոյանը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը