Կառավարության նկատմամբ վստահության առումով Թուրքիան 7-րդն է աշխարհում

Տնտեսական համագործակցության և զարգաման կազմակերպության (ՏՀԶԿ-OECD) կողմից հրապարակված «Government at a Glance 2017» զեկույցի համաձայն՝ կառավարության հանդեպ վստահության մակարդակի առումով Թուրքիան աշխարհում 7-րդ տեղն է զբաղեցնում:

Թուրքական «Hürriyet» թերթի կայքի տեղեկացմամբ՝ ՏՀԶԿ զեկույցում ամփոփվել են 44 երկրի 15-64 տարիքային խմբին պատկանող բնակիչների հետ անցկացված հարցումների արդյունքները: Քաղաքացիներին մասնավորապես հարցրել են, թե արդյոք նրանք վստահում են իրենց կառավարությանը:

Զեկույցի համաձայն՝ Թուրքիան և Ռուսաստանը զբաղեցրել են 7-րդ հորիզոնականը: Առաջին տեղում կառավարության նկատմամբ 80 տոկոս վստահությամբ Շվեյցարիան և Ինդոնեզիան են: Երրորդ հորիզոնականում Հնդկաստանն է, չորրորդում՝ Լյուքսեմբուրգը, հինգերորդ տեղը զբաղեցրել է Ներվեգիան, իսկ վեցերորդը՝ Կանադան: Ցանկի վերջին հորիզոնականում տեղ է գտել Հունաստանը, որտեղ բնակչության միայն 13 տոկոսն է վստահում կառավարությանը:

Վերջին 10 տարիների ընթացքում կառավարության նկատմամբ վստահության ամենամեծ անկումը (27 տոկոս) գրանցվել է Ֆինլանդիայում:

Աղբյուր` Ermenihaber.am