Թուրքիայի խոշոր քաղաքների բնակիչները լոքդաունից առաջ զանգվածաբար լքում են դրանք

Ստամբուլի, Անկարայի եւ Թուրքիայի այլ խոշոր քաղաքների բնակիչները ձգտում են լքել դրանք հինգշաբթի երեկոյան լոքդաունից առաջ, քաղաքների ելքերի մոտ լուրջ խցանումներ են նկատվում, հաղորդում է NTV հեռուստաալիքը:

Նշվում է, որ թուրքական խոշոր քաղաքների բնակիչները իրենց մեքենաներով զանգվածաբար շարժվում են դեպի Էգեյան եւ Միջերկրական ծովերի ափերի հանգստավայրեր: Ստամբուլի օդանավակայաններն աշխատում են մեծ ծանրաբեռնվածությամբ: Հանգստավայրերի բնակիչները բողոքում են մինչ տուրիստական սեզոնի սկսվելը այցելուների աննախադեպ հոսքից՝ վախենալով վարակի ներթափանցումից: Հատկապես լարված իրավիճակ է Բոդրումում եւ Ալանում:

Ավելի վաղ Թուրքիայի նախագահ Թայիփ Էրդողանը հայտարարել էր ապրիլի 29-ի ժամը 19:00-ից մայիսի 17-ի ժամը 05:00-ը երկրում կորոնավիրուսի հետ կապված իրավիճակի պատճառով լիակատար լոքդաունի մասին: Բոլոր կազմակերպություններն ու հաստատությունները կդադարեցնեն իրենց գործունեությունը, բացառությամբ ՆԳՆ-ի շրջաբերականով հրապարակվածների: Միջքաղաքային ուղեւորությունները թույլատրվում է միայն իշխանություններից թույլտվություն ստանալուց հետո: Հյուրանոցների ամրագրումը բացառություն չէ միջքաղաքային ուղեւորությունների սահմանափակումների համար: Օտարերկրյա զբոսաշրջիկների վրա պարետային ժամը չի տարածվում: