Սերգեյ Լավրովը կայցելի Երեւան եւ Բաքու
Ռուսաստանի Դաշնության ԱԳՆ ղեկավար Սերգեյ Լավրովը կայցելի Երեւան եւ Բաքու: Արտաքին գործերի նախարարության պաշտոնական ներկայացուցիչ Մարիա Զախարովայի խոսքով, ձեռք բերված պայմանավորվածությունների համաձայն, Սերգեյ Լավրովն աշխատանքային այցով Երեւան կժամանի մայիսի 5-6-ին, իսկ Բաքու՝ մայիսի 10-11-ին:
Նախատեսվում են բանակցություններ Հայաստանի եւ Ադրբեջանի ղեկավարության հետ: Շփումների ընթացքում նախատեսվում է մանրակրկիտ քննարկել երկկողմ եւ տարածաշրջանային համագործակցության, ինչպես նաեւ միջազգային ասպարեզում փոխգործակցության հարցերի լայն շրջանակ: Առաջնահերթ ուշադրություն կդարձվի Ռուսաստանի Դաշնության, Հայաստանի եւ Ադրբեջանի ղեկավարների՝ 2020 թվականի նոյեմբերի 9-ի եւ 2021 թվականի հունվարի 11-ի հայտարարությունների գործնական իրականացմանը: