Թուրքերն իրենց լկտի են պահում, չեն թողնում մեքենաներն անցնեն. Քաջարանի քաղաքապետ
Ես որպես ժողովրդի կողմից ընտրած համայնքապետ եւ անձ՝ ուզում եմ ասել՝ մենք կարող էինք ակցիան կազմակերպել, քանի որ վայելում ենք ժողովրդի հարգանքը, բայց երբ իմացանք՝ Փաշինյանը գալիս է, ինքաբուխ ակցիա կազմակերպվեց: Այս մասին այսօր՝ ապրիլի 23-ին, դատարանի բակում լրագրողների հետ զրույցում ասաց Քաջարանի քաղաքապետ Մանվել Փարազամյանը:
Նշենք, որ Երեւան քաղաքի Ավան եւ Նոր Նորք վարչական շրջանների ընդհանուր իրավասության դատարանում՝ նախագահությամբ դատավոր Մանվել Շահվերդյանի, քննվում է Մեղրիի քաղաքապետ Մխիթար Զաքարյանին ձերբակալելու իրավաչափության դեմ պաշտպանների բողոքը։
«Քաջարանցիները հարց ունեին եւ բաց տեքստով ուզում էին ուղղել իրենց հարցերը վարչապետին, բայց շատ հարցեր մնացին օդում կախված եւ անպատասխան: Սյունեցիները մտահոգված են իրենց անվտանգությամբ, այդ իսկ պատճառով մենք ճանապարհ չենք փակել, մենք ընդամենը ուզում էինք մեզ հուզող հարցերի պատասխանները ստանալ»,- նշեց Փարազամյանը:
Քաղաքապետն անդրադառնալով Մեղրիի քաղաքապետ Մխիթար Զաքարյանի ձերբակալմանը՝ նշեց. «Մխիթար Զաքարյանինը կարած գործ է, մարդիկ ուղղակի հեքիաթներ են պատմում Զաքարյանի հետ կապված, մարդը ուղղակի իջել է, որպեսզի իրավիճակը հասկանա, բախումները կասեցնի, բայց դեպքերը Ագարակում եւ Մեղրիում էմոցիոնալ են ընթացել»։
Անդրադառնալով Քաջարանի անվտանգության հետ կապված հարցին՝ քաղաքապետն ասաց. «Անվտանգության տեսակետից Քաջարանում համեմատաբար նորմալ է։ Մտահոգված ենք մեր տարածաշրջանի անվտանգության խնդիրներով, քանի որ Կապանից մինչեւ Գորիս ճանապարհին լրիվ թուրք են։ Գալիս էի Երեւան, ադրբեջանական կալոնան դուրս է գալիս մեր առաջ. թուրքերի լկտի պահվածքը, մեքենան չթողնեն անցնի։ Մեկը թող բացատրի՝ Սյունիքն ինչով է անվտանգ»։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը