Եվրամիությունը մեկնաբանել է Իրանի միջուկային օբյեկտում տեղի ունեցած միջադեպը
Եվրամիությունը չափազանց մտահոգված է Իրանի միջուկային օբյեկտում տեղի ունեցած միջադեպի վերաբերյալ տեղեկատվությամբ եւ անհրաժեշտ է համարում ամբողջությամբ պարզել դրա բոլոր հանգամանքները: Այս մասին Բրյուսելում կայացած ճեպազրույցի ժամանակ ասել է ԵՄ արտաքին քաղաքական ծառայության ներկայացուցիչ Պիտեր Ստանոն, փոխանցում է «ՌԻԱ Նովոստի»-ն:
«ԵՄ-ն տեղյակ է այս միջադեպի մասին, մեզ շատ մտահոգում է այս տեղեկատվությունը: Անհրաժեշտ է հստակեցնել կատարվածը: Մենք մերժում ենք ցանկացած գործողություն, որը կարող է թուլացնել կամ չեզոքացնել իրանական խնդրի լուծման ջանքերը: Անհրաժեշտ է պարզել այս միջադեպի բոլոր հանգամանքները»,- ասել է Ստանոն:
Մինչ այժմ, ըստ նրա, կատարվածի տարաբնույթ մեկնաբանություններ են շրջանառվում: «Մեզ համար ամենակարեւորը փաստեր գտնելն է: Եվ այդ փաստերի հիման մենք կարող ենք որոշել, թե ինչ հայտարարություններ անել եւ ինչ գործողություններ ձեռնարկել»,- հավելել է ներկայացուցիչը: