Լիբիայի նախագահական խորհրդի ղեկավարը Թուրքիային կոչ է արել դուրս բերել սիրիացի վարձկաններին
Լիբիայի ժամանակավոր վարչակազմի նախագահական խորհրդի ղեկավար Մոհամմեդ ալ-Մենֆին Թուրքիային կոչ է արել դուրս բերել սիրիացի վարձկաններին եւ թուրք ռազմական փորձագետներին 10 օրվա ընթացքում, հաղորդում է Libya Review-ն:
Ավելի վաղ ալ-Մենֆին եւ նրա տեղակալ Աբդուլլահ ալ-Լաֆին բանակցություններ են վարել Թուրքիայի նախագահ Ռեջեփ Էրդողանի հետ: Հանդիպման ժամանակ Էրդողանն աջակցություն է հայտնել Լիբիայի ազգային միասնության նոր կառավարությանը՝ երկրում կայունության հասնելու նպատակով:
Ալ-Մենֆին մտադիր է երկիրը կառավարել մինչեւ դեկտեմբեր ընտրությունների անցկացումը:
Լիբիայում ԵՄ առաքելությունը եւս կոչ է արել դուրս բերել արտասահմանցի վարձկաններին: