«Վարչապետը կարող է հայտարարել միայն մեկ ամսաթիվ՝ երբ է ինքը հրաժարական տալիս». Լարիսա Ալավերդյան. (տեսանյութ)
Խորհրդարանը երեկ վերացրեց 2020 թվականի սեպտեմբերի 27-ից Հայաստանում հայտարարված ռազմական դրությունը:
Սա իշխող քաղաքական թիմի հերթական նախապատրաստությո՞ւնն է ընտրություններից առաջ, թե՞ խորհրդարանական ընդդիմության հետ բանակցությունների շրջանակներում ինչ-ինչ պայմանավորվածությունների արդյունք. հարցին անդրադառնում են հասարակական ու քաղաքական տարբեր շրջանակներում:
Մարդու իրավունքների առաջին պաշտպան, իրավապաշտպան Լարիսա Ալավերդյանի համոզմամբ՝ ընտրության օր նշանակելը հենց այս պայմանավորվածությունների արդյունքն է, սակայն նա զարմանքով արձանագրեց ընտրություններին ընդառաջ քայլերի խախտված հաջորդականության մասին.
«Ինձ համար շատ տարօրինակ է, որ վարչապետը նշանակում է օր:
Նախևառաջ, այդ օրը պետք է նշանակվի նախագահի կողմից, հաջորդը՝ վարչապետը կարող է հայտարարել միայն մեկ ամսաթիվ՝ երբ է ինքը հրաժարական տալիս: Մնացածը, երբ ինքն ընտրությունների ամսաթիվ է հայտնում, նշանակում է՝ իրենք պայմանավորվածություններ են ձեռք բերել այդ պառլամենտական խմբակցությունների հետ. ինչը շատ տգեղ է:
Կարծում եմ՝ առնվազն չի բացառվում, որ կան պայմանավորվածություններ, որ ինչ-որ առումով վերարտադրվի նույն կազմը. թե ինչ հարաբերություններով՝ չեմ կարող ասել հիմա, բայց դա շատ մերժելի մոտեցում է:
«Հայտարարել այսօր ընտրությունների օրը՝ խոսում է այն մասին, որ իրենք համարում են այդ հարցն արդեն լուծված: Այնինչ՝ մինչև այդ օրը նշանակվելը մի քանի գործընթացներ պետք է գնան, որտեղ պետք է մասնակցեն այլ սուբյեկտներ»,-շեշտեց Լարիսա Ալավերդյանը:
Մանրամասները՝ տեսանյութում
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
ՀՀ վարչապետ Նիկոլ Փաշինյանի ճեպազրույցը ուղիղ
Կուսակիցները փակ հանդիպմանը կոշտ քննադատության են ենթարկել Թրամփին
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Փարիզում քննարկվել են Հայաստանի և ՅՈՒՆԵՍԿՕ-ի մշակութային համագործակցության հեռանկարները