Եվրոպայի խորհուրդը զգուշացրել է Թուրքիային
Եվրոպայի խորհրդի գլխավոր քարտուղար Մարիա Պեյչինովիչ Բուրիչը գերմանական «Die Welit» թերթին տված հարցազրույցում խնդրահարույց է համարել Թուրքիայում ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) գործունեության դադարեցման նախաձեռնությունը։ Այս մասին տեղեկացնում է ermenihaber.am-ը։
Բուրիչը նշել է, որ քաղաքական կուսակցությունների իրավունքները ևս պաշտպանված են Մարդու իրավունքների եվրոպական դատարանի կողմից, որը հավաքներ կազմակերպելու և միավորումներ ստեղծելու իրավունքի երաշխավորն է։
«ՄԻԵԴ-ը բացահայտ ընդգծում է քաղաքական կուսակցությունների առանցքային դերը ժողովրդավարության պահպանման հարցում։ Դատարանը միայն ծայրահեղ դեպքերում կարող է արդարացի համարել քաղաքական կուսակցության լուծարումը կամ նրա գործունեության արգելքը՝ որպես այլընտրանք չունեցող միջոց», – նշել է ԵԽ գլխավոր քարտուղարը։
Բուրիչը ընդգծել է, որ քաղաքական կուսակցությունը չի կարող արգելվել միայն այն բանի համար, որ փորձում է հանրային քննարկման առարկա դարձնել հասարակության այս կամ այն հատվածի դրությունը։
Նա նաև հիշեցրել է, որ Թուրքիայում նախկինում էլ կուսակցություններ են փակվել։ ՄԻԵԴ-ի օրակարգում ավելի վաղ 7 նման գործ է քննվել, որոնցից 6-ի դեպքում եվրոպական դատարանը մեղավոր է ճանաչել Թուրքիայի կառավարությանը՝ եզրակացնելով, որ Թուրքիան խախտել է Մարդու իրավունքների եվրոպական կոնվենցիան։
ԵԽ գլխավոր քարտուղարի կանխատեսմամբ՝ ԺԴԿ-ի գործունեության արգելքի դեպքում ևս ՄԻԵԴ-ը նմանատիպ որոշում կարող է կայացնել։
Հիշեցնենք, որ ավելի վաղ ԺԴԿ-ի դեմ հարուցված դատական գործի առթիվ Գերմանիայի կառավարության անունից մտահոգություն էր հայտնել նաև Գերմանիայի արտաքին գործերի նախարարությունը։
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Ղարաբաղից տեղահանվածները պետք է կապեն իրենց ապագան Հայաստանի հետ
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Մարմնամարզության տղամարդկանց հավաքականը տուն է վերադառնում