նիկոլի աներձագ Հրաչը նորմալ է համարում դիպուկահարների տեղակայում Երեւանի կենտրոնում
Այս պահին Բաղրամյան և Դեմիրճյան փողոցներում «Հայրենիքի փրկության շարժման» ամեն մի վրանում կանգնած է 4-5 հոգի։ Նրանք ասելիք չունեն ՀՀ քաղաքացիներին, անգամ հանրահավաք չեն կազմակերպում։ NEWS.am-ի հետ զրույցում այս մասին ասաց «Իմ քայլը» խմբակցության պատգամավոր Հրաչյա Հակոբյանը՝ ընդդիմությանը հարցով դիմելով․ «Եթե Նիկոլ Փաշինյանի օրոք չեք ուզում արտահերթ ընտրությունների գնալ, ապա ու՞մ օրոք եք ուզում»։
Դիտարկմանը, թե շարժումն ուզում է խորհրդարանն իր առաջարկած թեկնածուին ընտրի, որն էլ կկազմակերպի ընտրությունը, պատգամավորը հակադարձեց․ «Իսկ ժողովուրդը դա ուզո՞ւմ է»։
Հարցին, թե ինչպե՞ս են որոշել, որ ժողովուրդը հենց Փաշինյանի ղեկավարմամբ է ուզում արտահերթ ընտրությունների գնալ, Հակոբյանը նշեց․ «Երկու շաբաթ է՝ ընդդիմությանը տրված են բոլոր հարթակները, որպեսզի եթե կա հանրային բողոք, դա գեներացնեն։ Բայց եթե որևէ ձևով չեն գեներացնում, նշանակում է՝ նման հանրային պահանջ չկա»։
Արդյոք դա վստահության նշա՞ն է, երբ Փաշինյանը պետական գերատեսչություններ, նախագահական է գնում ոստիկանական զորքով և դիպուկահարների ուղեկցությամբ, դա նորմա՞լ է՝ հարցին Հակոբյանն արձագանքեց.
«Այն պարագայում, որ հարթակներից հնչում են հայտարարություններ, որ Նիկոլ, այս ժողովուրդը կգա քո հետևից, երբ արվում են գնդակահարության պերֆորմանսներ, սպառնալիքներ են հնչում, պնդում ու հաստատում եմ, որ այդ ամենը նորմալ է։ Դրանով մենք պետության անվտանգությունն ենք ապահովում»։
Պատգամավորին հիշեցրինք, թե ինչպես էր պատերազմից հետո Փաշինյանը խոսում քաղաքացու վրեժի մասին, դա սպառնալիք չէ՞ր։ Հակոբյանը հիշեցրեց ԱԺ նախագահի վրա հարձակումը և նաև դրանով պայմանավորեց Փաշինյանի՝ ոստիկանական զորքով և դիպուկահարներով պաշտպանությունը։
Ի վերջո, քաղաքական այս ճգնաժամն ինչպե՞ս պիտի հանգուցալուծվի, երբ իշխանությունը գնում է արտահերթ ընտրությունների, բայց ընդդիմությունը շարունակում է փակ պահել փողոցները։ «Բաղրամյան և Դեմիրճյան փողոցում հավաքված մարդիկ ուղղակի երազում են, որ ոստիկանները որևէ ձևով բացեն այդ փողոցն ու իրենք տուն գնան։ Տպավորություն է, որ իրենք կրակն են ընկել իրենց արած ակցիայի ձեռքը»,- ասաց Հրաչյա Հակոբյանը։
Ալյասկայում Ուկրաինայի վերաբերյալ համաձայնություն չի եղել. Ռուբիո
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
ՀՀ վարչապետ Նիկոլ Փաշինյանի ճեպազրույցը ուղիղ
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Կուսակիցները փակ հանդիպմանը կոշտ քննադատության են ենթարկել Թրամփին
Փարիզում քննարկվել են Հայաստանի և ՅՈՒՆԵՍԿՕ-ի մշակութային համագործակցության հեռանկարները