Այս իշխանության նպատակները չեն համընկնում մեր պետության շահերի հետ. Կարեն Բեքարյան (տեսանյութ)
Վերադառնալով նախապատերազմյան, պատերազմյան և հետպատերազմյան փուլերին, հասկանում ենք, որ իշխանության նպատակն այս պետության և հանրության հետ ունեն 0 առնչություն: Թե՛ պատրաստվող պատերազմը, թե՛ չավարտվող պարտությունը, և այն ամենը, ինչը մենք ունենք այսօր, ապացույցն է այն բանի, որ այս իշխանությունը մեր ազգային, պետական շահերի հետ որևէ կապ չունի»: Այս մասին Վերաքննիչ դատարանի դիմաց լրագրողների հետ զրուցում նշեց «Քառյակ մեդիայի» համահիմնադիր, քաղաքական վերլուծաբան Կարեն Բեքարյանը:
Խոսելով Արա Սաղաթելյանի հակաադրբեջանական գործունեության և նրա նկատմամբ իշխանությունների վարած քաղաքականության մասին՝ Բեքարյանը նշեց. «Աշխարհի ցանկացած կետում, ցանկացած պրոդյուսեր երջանիկ կլիներ, որ իր հովանավորյալը, ում համար աշխատում է, այնպիսի առաջընթաց ունենար, ինչպիսին ունի այդ «ֆեյքը»՝ «Գագիկ Սողոմոնյանը»: ԱԱԾ-ի անմիջական աշխատանքի արդյունքում այդ ֆեյքը դարձել է պոպուլյար: Մենք հասել ենք այն մակարդակին, որ, ենթադրենք, Արցախի սահմանը հատելու թույլտվության հետ կապված՝ գնացել է բանակցելու ոչ թե արտգործնախարարը, այլ սփյուռքի հանձնատարը»:
Լրագրողների դիտարկմանը, թե կարծիքներ կան, որ այդ կեղծ օգտահաշիվը ստեղծվել է իշխանության կողմից ընդդիմադիրների դեմ օգտագործելու համար, Բեքարյանն ասաց.
«Կան հարցեր, որոնց պատասխանները ստանալու համար պետք չէ լինել իրավաբան կամ փաստաբան: Ես 2.5 տարուց ավել աշխատում եմ հանրային բաց դաշտում՝ ցույց տալու իշխանության սխալները, որոնք կործանման բերեցին: Երբևէ դուք տեսե՞լ եք որևէ մեկի հանդեպ անհարգալից վերաբերմունք, անձնական վիրավորանք: Այս ամենի բացատրությունը հետևյալն է. նորմալ, բանական մարդը չի կարող հաճույք ստանալ այն բառակազմը կարդալուց, որով ներկայանում է այդ ֆեյքը, պարզ է չէ՞, որ յուրաքանչյուր մարդ, ով կարդում է դա, արգահատանքով է լցվում ընդդիմադիր թևի նկատմամբ: Հիմա հարց եմ տալիս՝ երկրի հատուկ ծառայությունն ինչու է ոչ թե ուղղակի փակում այդ օգտահաշիվը, այլ այս ընթացքում, նույնիսկ պատերազմից հետո պահում է նրան: Էլ ինչի՞ մասին է խոսքը:
Հարցին՝ արդյոք իշխանությունը փորձում է այսկերպ ուշադրություն շեղել, Բեքարյանն ընդգծեց.
«Դուք կարդացեք Սյունիքում տեղի ունեցող գործընթացների վերաբերյալ մտահոգություններին ի պատասխան ԱԱԾ հայտարարությունը: Փոխարենը՝ տեսեք, թե ԱԱԾ-ն որքան մարդկային, ֆինանսական ռեսուրս է ծախսում այդ ֆեյքին գտնելու համար: Նորից եմ կրկնում՝ այս իշխանության նպատակները այս պետության շահերի հետ չեն համընկնում»:
Մահացել է ՀՀ վաստակավոր արտիստ Արտաշես Ալեքսանյանը
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
«Ուժեղ Հայաստան»-ը կվերցնի մանդատները և կգնա Ազգային ժողով
Ուկրաինան հարվածել է Ռուսաստանի վերջին խոշոր նավթավերամշակման գործարանին
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Կասեցվել է Վանաձորի գազալցակայաններից մեկի հեղուկ գազի վաճառքը
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Շատ եմ ցանկանում, որ չեմպիոն դառնա ֆուտբոլ խաղացող հավաքականը
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...