Խամենեին հաստատել է Ռոհանիի հաղթանակը
Իրանի Իսլամական Հանրապետության գերագույն հոգևոր առաջորդ Ալի Խամենեին այսօր պաշտոնապես հաստատել է Հասան Ռոհանիի հաղթանակը նախագահական ընտրություններում:
«Ես վավերացնում եմ Ձեր հաղթանակը և Ձեզ նշանակում եմ հանրապետության նախագահ», - ասել է Խամենեին Թեհրանում կայացած հանդիսավոր արարողության ընթացքում:
Արարողությանը մասնակցել են Իրանի բարձրաստիճան ղեկավարները և օտարերկրացի պաշտոնյաներ:
68-ամյա Ռոհանին այս տարվա մայիսին է երկրորդ անգամ հաղթել նախագահական ընտրություններում:
Ռոհանին այսօր հանդես է եկել միասնության կոչով: «Ես ձեռքս պարզում եմ բոլոր նրանց, ովքեր երազում են հայրենիքը մեծ երկիր դարձնելու մասին», - ասել է Իրանի նախագահը:
Նա նաև ընդգծել է, որ Թեհրանը մտադիր է բարելավել հարաբերություններն աշխարհի հետ: «Մենք երբեք չենք համաձայնի ապրել մեկուսացման պայմաններում: Միջուկային գործարքը Իրանի կողմից միջազգային ասպարեզում բարի կամքի դրսևորում էր», - ասել է Ռոհանին 2015 թվականին Իրանի և վեց գերտերությունների ստորագրած պատմական համաձայնության մասին:
Այդ պայմանագրով Իրանը համաձայնել է պատժամիջոցները մեղմելու դիմաց սահմանափակել ակտիվությունը միջուկային հետազոտությունների ոլորտում:
Ռոհանիի պաշտոնամուտի հանդիսավոր արարողությունը տեղի կունենա օգոստոսի 5-ին: Հիշեցնենք, Հայաստանի նախագահը ևս մասնակցելու է արարողությանը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը