Այս իշխանությունները այլևս ոչ միայն Արցախի, այլ նաև Հայաստանի Հանրապետության անվտանգության երաշխավորը չեն. Անուշավան Դանիելյան (տեսանյութ)
Այս իշխանությունները այլևս ոչ միայն Արցախի, այլ նաև Հայաստանի Հանրապետության անվտանգության երաշխավորը չեն: Այս մասին Ազատության հրապարակում լրագրողների հետ զրույցում ասաց ԼՂՀ նախկին վարչապետ Անուշավան Դանիելյանը:
«Այս իշխանությունները ոչ միայն այլևս Արցախի անվտանգության երաշխավորը չեն, այլ նաև Հայաստանի: Հիշեք՝ ի՞նչ էին ասում ԱԱԾ-ից. եթե գերի ընկնեք՝ զանգահարեք այս հեռախոսահամարով»,-ասաց Անուշավան Դանիելյանը:
Դանիելյանը նշել է՝ ԱԺ-ը, կառավարությունը զբաղվում են այլ հարցերով, որոնք ներկա ժամանակահատվածում կարևոր չեն: «Մենք չենք տեսնում ադեկվատ որոշումներ Ազգային ժողովի կողմից, որոնք պետք է ուղղված լինեն երկիրը այս իրավիճակից հանելուն, թե՛ Կառավարությունը, թե՛ Ազգային ժողովը զբաղված են իշխանությունը պահելով»,- ասաց նա:
Անուշավան Դանիելյանը հավելեց, որ ներկա իշխանությունների մոտ հակառուսական դիրքորոշումը եղել է նաև մինչ հեղափոխությունը, հիմա նրանց բոլոր ելույթներում ակնհայտ երևոմ է հակառուսական գիծը:
«Հակառուսական շարժումը այսօր չէ սկսվել: Այս իշխանությունը մինչև իր գալը ևս հակառուսական գործողություններ էր կատարում: Երբ նրանք եկան իշխանության, մենք տեսանք՝ նրանց ողջ եռանդը նպատակաուղղած էր Հայաստանից Ռուսաստանին դուրս մղելու»,- հավելեց Դանիելյանը:
Նա նշեց, որ ժողովուրդը պետք է լուծի իշխանափոխության հարցը և չպետք է սպասի Ռուսաստանի կողմից գործողությունների: «Այս իշխանության գործողությունները արդեն իսկ շատ թանկ են նստել մեր վրա, մենք ունենք անդառնալի կորուստներ և կարծում եմ՝ պետք է մեր հարցերը լուծենք այստեղ և չսպասենք, որ մեր փոխարեն Ռուսաստանը իշխանափոխության հարցերը լուծի, բայց մինչև չլինի իշխանափոխություն, մեր հարաբերությունները Ռուսաստանի հետ չեն լավանա»,- ասաց նա:
Անուշավան Դանիելյանը անդրադարձավ նաև ՀՀ ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի հայտարարությանը, որտեղ ասվում էր՝ եթե քաղաքացիները շենքեր գրավեն, ապա պետք է պատրաստ լինեն, որ իրենց վրա կկրակեն:
«Մենք արդեն 5000-ից ավելի երիտասարդ ենք կորցրել, չեմ կարծում, որ արյունը ավելի կարմիր է, քան այդ երիտասարդներինը, որոնք իրենց կյանքը տվեցին հայրենիքի պաշտպանության համար, չեմ կարծում, որ ինչ-որ մեկը նրա ասածներից կվախենա»,- հավելեց նա:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը