Ղարաբաղում երկարաժամկետ խաղաղությունը կախված է ստեղծված «իրողությունների ճիշտ գնահատականից». Ալիեւ

Ադրբեջանի նախագահ Իլհամ Ալիեւը կարծում է, որ Լեռնային Ղարաբաղում ռազմական գործողությունների ավարտից հետո ստեղծված իրավիճակի ճիշտ գնահատումից կախված կլինի երկարաժամկետ խաղաղության հաստատումը, փոխանցում է ՏԱՍՍ-ը:

«Կարծում եմ, որ տարածաշրջանում երկարաժամկետ խաղաղության և կայունության հաստատման հնարավորությունների օգտագործումը մեծապես կախված կլինի տարածաշրջանի երկրների, խոշոր պետությունների կողմից այդ իրողությունների ճիշտ գնահատումից», - ասել է նա:

Ըստ նրա՝ Ադրբեջանն «այսօր իսկապես պատրաստակամություն է ցուցաբերում՝ ատելության ու առճակատման էջը փակելու եւ տարածաշրջանի համար ապագա կերտելու հարցում»: «Իրականում մենք արդեն անցել ենք դրան: Մենք ձեռնամուխ ենք եղել վերականգնողական աշխատանքներին, նախագծերի իրականացմանը, որոնք օգտակար կլինեն ողջ տարածաշրջանի համար և արդյունքում կծառայեն կայունությանն ու կանխատեսելիությանը: Հետեւաբար, կարծում եմ, որ պետք է բոլորս՝ կառավարությունները եւ միջազգային կազմակերպությունները, գնահատեն նոր իրողությունները եւ ծրագրեն իրենց քայլերը՝ ուղղված խաղաղության պայմաններում համագործակցության եւ համակեցության դրական հնարավորություններին»:

Նա նշել է, որ տարածաշրջանում երկար տարիներ սպասումներից հետո խաղաղություն է հաստատվել, և այն պետք է լինի երկարաժամկետ ։