Ռոբերտ Քոչարյանը ճգնաժամային կառավարման թերեւս լավագույն ղեկավարներից մեկն է. Էդգար Ղազարյան
Ռոբերտ Քոչարյանը ճգնաժամային կառավարման թերեւս լավագույն ղեկավարներից մեկն է, որովհետեւ նա իր բաժին պատերազմում, երբ առաջին պատերազմի ժամանակ ղեկավարել է Պաշտպանության պետական կոմիտեն, ապահովել է հաղթական ելք: Այս մասին, այսօր՝ փետրվարի 17-ին, մամուլի ասուլիսի ժամանակ նշեց ՍԴ աշխատակազմի նախկին ղեկավար Էդգար Ղազարյանը
«Դրանից հետո ստանձնել է ՀՀ ղեկավարումը՝ երկրի համար ամենածանր շրջանում՝ պատերազմի հետեւանքներով, երկրաշարժի հետեւանքներով,քայքայված տնտեսությամբ, ներքաղաքական մեծ լարվածությամբ: Նա իր հաջորդին հասնել է բոլորովին այլ ցուցանիշներով, թե քաղաքական, թե տնտեսական, թե արտաքին քաղաքական առումներով: Սկզբունքորեն այլ երկիր է նա թողել իր հաջորդին»,-ասաց նա:
Անդրադառնալով վարչապետ Նիկոլ Փաշինյանին, Էդգար Ղազարյանը նշեց. «Նիկոլ Փաշինյանի կայացրած որոշումներից մեկն անգամ բավարար է ոչ միայն նրան իշխանությունից հեռացնելու, այլ պատասխանատվության ենթարկելու համար:
Հիմա շատերը հրաժարականի հարց են դնում, բայց հրաժարական տալիս են լրիվ այլ հանգամանքների ժամանակ: Նա պետք է հրաժարական տար, երբ իր կինն ուղեկցում էր իրեն Շվեյցարիա այցի ժամանակ, երբ այցի ծրագրով նրա կնոջ համար ոչինչ նախատեսված չէր: Դա կոռուպցիայի ուղիղ դրսեւորում է: Ինչու է տրվել արտոնություն մի լրատվամիջոցի գլխավոր խմբագրի, ու տրված չէ մյուս խմբագիրներին: Սա հրաժարականի պատճառ է: Վարչապետի տիկնոջ մասնավոր այցելությունը ԱՄՆ պետական պահպանության ծառայության աշխատակիցների ուղեկցությամբ, ցանկացած նորմալ երկրում վարչապետի հրաժարականի պատճառ է: Երբ որ պետական միջոցներ են ծախսվում, իսկ հարցմանն էլ պատասխանում են, թե կատարված ծախսերը պետական գաղտնիք են, սա պաշտոնյայի հրաժարականի պատճառ պետք է լինի: Իսկ մենք էսօր հրաժարական ենք պահանջում մի ղեկավարից, որի կայացրած որոշումների հետեւանքով հազարավոր մարդիկ են զոհվել:
Ես տպավորություն ունեմ, որ մենք ողջ հասարակությամբ դարձել ենք հոգեկան հիվանդներ: Մենք նորմալ ենք վերաբերվում երեւույթների, որը ոչ մի պարագայում չի կարելի նորմալ համարել»:
Նա կոչ արեց բոլորին, որոնք 2018-ի ապրիլի 23-ին եղել են Հանրապետության հրապարակում, թողնեն իրենց բոլոր գործերը ու փետրվարի 20-ին գան, կանգնեն այնտեղ, որտեղ եղել են 2018-ի ապրիլի 23-ին:
«Իրենք պետք է գան ու պատասխան պահանջեն այն մարդուց, որը մեղավոր է այս իրավիճակի համար: յնտեղ պետք է ինձ համար տեղ չլինի կանգնելու, որովհետեւ դա իմ տեղը չի գնալ ու իրենց սխալն ուղղել: Ինքը պետք է համարձակություն ունենա՝ իջնի առանց թիկնազորի, մտնի հասարակության մեջ»,-ասաց նա:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս