Թուրքիան հայտարարել է իր 13 զինվորների զոհվելուց հետո Իրաքի հյուսիսում ռազմական գործողությունն ավարտելու մասին
Թուրքիայի պաշտպանության նախարար Հուլուսի Աքարը հայտարարել է իր 13 զինվորների զոհվելուց հետո Իրաքի հյուսիսում ռազմական գործողությունն ավարտելու մասին, հաղորդում է Ahval-ը:
«Օդային գործողության ընթացքում ոչնչացվել է ավելի քան 50 թիրախ: Քարանձավում անցկացված խուզարկությունները հայտնաբերել են մեր առեւանգված քաղաքացիների 13 դի»,-լրագրողներին ասել է Աքարը:
«Առաջին ստուգումները ցույց են տվել, որ մեր անմեղ եւ անզեն քաղաքացիներից մեկը ստացել է ուսի շրջանում հրազենային վնասվածք, մինչդեռ մյուս 12 մարդ սպանվել են գլխի ուղղությամբ կրակոցի հետեւանքով»,-հայտարարել է Թուրքիայի պաշտպանության նախարարը՝ հավելելով, որ գործողության ընթացքում թուրք ուժայինները սպանել են Քրդստանի աշխատավոր կուսակցության 48 անդամի: