Ոչ մի հասարակաց տանը չկա նման անբարոյականություն. Սրապիոնյանը՝ պարգևավճարների մասին

Եթե կան մարդիկ, ովքեր չգիտեն Նժդեհի մասին ոչինչ եւ նրան մեղադրում են ֆաշիզմի մեջ, թող կարդան նրա աշխատությունները, որտեղ նա հստակ տարանջատում է ֆաշիզմի գաղափարախոսությունն ազգային փրկության գաղափարախոսությունից: Այս մասին լրագրողների հետ զրույցում ասաց «Ձայն հայրենյաց» նախաձեռնության անդամ, գրականագետ Սերժ Սրապիոնյանը:

Նրա խոսքով՝ մարդը, ով ունակ չէ տարբերելու ազգայնականությունը նացիզմից, բարձր պետական պաշտոններ, հատկապես փոխնախարարի պաշտոն զբաղեցնելու իրավունք չունի:

«Չգիտեմ՝ ինչով է նա մտածում, սակայն բացահայտ թշնամու ջրաղացին ջուր է լցնում: Կարծում եմ՝ այդ խոսքերը պատահական չեն հնչել, եւ հետագայում ակնկալում եմ, որ կարող են ավելի վտանգավոր հայտարարություններ հնչեցնել»,-նշեց նա:

Սրապիոնյանը վստահեցրեց, որ ներկայիս իշխանությունները գիտակցաբար սպանում են գիտությունը, երբ իրենց ավելի շատ պարգեւավճարներ են հատկացնում, քան գիտությանը:

«Նման անբարոյականություն չկա նույնիսկ հասարակաց տանը: Իտելեկտուալ ներուժը մե հարստությունն է, առանց դրա մեր ժողովուրդը դատապարտված է վերացման, եւ պատահական չեն հենց գիտության դեմ հարվածները»,-նշեց նա:

Նրա խոսքով՝ մենք գործ ունենք կամ ուժերի հետ, որոնք հետապնդում են Թուրքիայի շահերը, կան մարդկանց հետ, որոնք սնվում են գլոբալիզմի գաղափարներով եւ չեն ղեկավարվում Հայրենիքի գաղափարներով:

Իր հերթին, «Ձայն հայրենյաց» նախաձեռնության անդամ, ռեժիսոր Սամվել Թադեւոսյանը, իր հերթին, նշեց, որ մտավորականությունը պետք է ջանքեր գործադրի ազգային ոգու վերականգնման համար:

«Պետք է հասկացնել նրանց, որ հայ զինվորը չի պարտվել: Մեր գործողություններում կան նաեւ քաղաքական տարրեր, սակայն կուսակցական նպատակներ չենք հետապնդում: Մենք կմիանանք այն ուժերին, որոնք փորձում են հասնել այս իշխանության հրաժարականին: Մենք նահանջելու տեղ չունենք»,-եզրափակեց Թադեւոսյանը: