Իրանը գործարկել է զարգացած շարժական հրթիռների արտադրական գիծ
Իրանում բացվել են շարժական հրթիռների մշակման արտադրական գծեր, ինչպես նաեւ կարծր վառելիքի արտադրության կենտրոն, հայտնում է Mehr-ը:
Երկու նախագծերի հանդիսավոր բացումը տեղի է ունեցել Իրանի Զինված ուժերի Գլխավոր շտաբի պետ, գեներալ-մայոր Մոհամմադ Բաղերիի եւ պաշտպանության նախարար, բրիգադի գեներալ Ամիր Խաթամիի ներկայությամբ:
Նշված նախագծերը ուսից արձակվող ժամանակակից հրթիռների սերիական արտադրության, ինչպես նաեւ կարծր վառելիքի արտադրության կենտրոններ են ցամաքային ուժերի հրթիռների կարիքները բավարարելու համար:
«Սա փաստացի տարածաշրջանում փոքր հեռահարության ՀՕՊ հրթիռների արտադրության ամենաեզակի գծերից մեկն է, որը կարող է բավարարել զինված ուժերի օպերատիվ կարիքները՝ օգտագործելով օպտիկայի, հավաստանշման եւ կառավարման ոլորտի առաջավոր տեխնոլոգիաները»,- ասել է Իրանի ԶՈՒ Գլխավոր շտաբի պետը:
Ուսից արձակվող այս հրթիռների առաջին սերունդը ներմուծվում էր երկիր, բայց այսօր դրանց զարգացած սերունդը պատրաստվում է Իրանում, ասել է նա՝ նշելով, որ հրթիռները տարբեր տարբերակներ ունեն՝ կրակի մոտ 5 կմ հեռավորությամբ, որոնք կարող են հակազդել տարբեր թիրախների:
Գլխավոր հրամանատարը նշել է, որ հրթիռները հաջողությամբ են անցել առաջնային փորձարկումները:
Նշելով առաջավոր տեխնոլոգիաների մասին, որոնք անհրաժեշտ են այսպիսի հրթիռների արտադրության համար, Բաղերին ասել է, որ աշխարհի միայն 3-4 երկրներ ունեն դրանց արտադրության նոու-հաուն, որոնց թվում է նաեւ Իրանը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա