ԵՄ-ն որոշել է Թուրքիայի նկատմամբ «սպասողական» դիրքորոշում գրավել
Եվրամիության արտգործնախարարները որոշել են Թուրքիայի նկատմամբ «սպասողական» դիրքորոշում գրավել, չնայած ԵՄ անդամ որոշ պետություններ ավելի թերահավորեն են վերաբերվում Անկարայի վերջին առաջարկներին, հայտնում է Kathimerini-ն:
Ըստ դիվանագիտական աղբյուրների՝ Բրյուսելում Արտաքին գործերի նախարարների խորհրդի նիստին ԵՄ արտաքին քաղաքականության գերատեսչության ղեկավար Ժոզեպ Բորելը եւ Գերմանիայի ԱԳ նախարար Հայկո Մաասը տեղեկացրել են Թուրքիայի արտգործնախարար Մեւլութ Չավուշօղլուի հետ իրենց վերջին բանակցությունների բովանդակության մասին, ընդ որում՝ երկուսն էլ նշել են Բրյուսելի հետ հարաբերություններում նոր էջ բացելու Անկարայի ակնհայտ ցանկության մասին:
Նույն աղբյուրների խոսքով՝ Անկարայի վերջին հայտարարությունների եւ գործողությունների նկատմամբ ԵՄ ընդհանուր դիրքորոշումը դրական է թվում, չնայած արտգործնախարարները շեշտել են, որ Թուրքիան պետք է շարունակի Միջերկրական ծովի արեւելյան հատվածում եւ Էգեյան ծովում լարվածության ապաէսկալացիայի իր նախաձեռնությունները:
Հունաստանն իր կողմից պնդել է Աթենքի համար հատուկ հետաքրքրություն ներկայացնող այնպիսի հարցերում զգալի առաջընթացի հասնելու անհրաժեշտությունը, ինչպես Թուրքիայի կողմից ծովային իրավունքի խախտումները եւ casus belli-ին նրա ակնարկը: Անկարայի դիրքորոշման վերջին փոփոխությունը կապում են Եվրամիության կողմից պատժամիջոցների սպառնալիքի, Թուրքիայի տնտեսության վիճակի վատթարացման եւ Ջո Բայդենի ԱՄՆ նախագահ ընտրվելու հետ:
Մինչ Արտաքին գործերի նախարարների խորհրդի նիստը Բորելը մեկնաբանություններում փաստացի ասել է, որ ԵՄ-ն Անկարայի հետ երկկողմ հարաբերություններում «նոր դարաշրջանը» պետք է ուսումնասիրի ամերիկյան նոր վարչակազմի հետ «սերտ համագործակցությամբ»:
Ավելի ուշ լրատվամիջոցների հետ զրույցում Բորելը հաստատել է, որ ԵՄ-ն կշարունակի Թուրքիայի հետ «դրական օրակարգը», բայց նաեւ կշարունակի աշխատանքը Կիպրոսի բացառիկ տնտեսական գոտում ածխաջրածինների անօրինական հետախուզման դեմ նոր պատժամիջոցների տեխնիկական ասպեկտներիր վրա: «Ցուցակը պատրաստ չէ, բայց հետաձգված չէ»,- ասել է նա: «Ես ուրախ եմ հայտնել, որ անցյալ ամռանը եւ աշնանը թունավորող գրգռիչներն այսօր վերացել են... եւ մենք պայմանավորվել ենք [Չավուշօղլուի հետ], որ երկու կողմերը այս խթանը կպահպանեն եւ դրանից դրական կերպով կօգտվեն, որ փորձեն հասնել համաձայնության»,- հավելել է Բորելը: Նա նաեւ հույս է հայտնել, որ Կիպրոսի վերամիավորման շուրջ բանակցությունները կարող են վերսկսվել փետրվարի վերջին:
Մաասն իր հերթին հաստատել է Բեռլինի թերահավատ վերաբերմունքը Թուրքիայի դեմ պատժամիջոցների նկատմամբ՝ հայտարարելով, որ Անկարան դրական քայլ է կատարել՝ վերսկսելով Աթենքի հետ հետազոտական շփումները, որոնց չպետք է «խոչընդոտի» պատժամիջոցների սպառնալիքը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա