Էրդողանը ՆԱՏՕ-ի դաշնակիցներին քննադատել է Արցախում պատերազմից հետո Թուրքիային անօդաչուների տեսախցիկներ չվաճառելու համար
Թուրքիայի նախագահ Ռեջեփ Թայիփ Էրդողանը թուրքական անօդաչու թռչող սարքերի համար պահեստամասերի մատակարարումից հրաժարվելու համար քննադատել է ՆԱՏՕ-ի դաշնակիցներին՝ նրանց որակելով «վատ հարևաններ», հաղորդում է duvarenglish.com-ը։
«Չնայած բոլոր զրպարտիչ արշավներին՝ մեր թռչող սարքերը հիացմունք են առաջացնում ամբողջ աշխարհում։ Թուրքական զինված անօդաչուները փոխում են պատերազմ վարելու մեթոդները և փոխել են Լիբիայում պատերազմի միտումը»,- հայտարարել է Էրդողանը։
ՆԱՏՕ-ի գծով Թուրքիայի դաշնակիցներին «վատ հարևաններ» որակելով՝ նա հավելել է, որ վերջիններս հրաժարվել են իրենց պահեստամասեր, մասնավորապես՝ տեսախցիկներ մատակարարել, ուստի «Թուրքիան պետք է ավելի շատ պահեստամասեր արտադրի երկրի ներսում»։
«Օրինակ՝ տեսախցիկների հարցը...Մեզ տեսախցիկ է հարկավոր, բայց նրանք չեն տալիս. «Ինչո՞ւ եք կռվում Հայաստանում»։ Հայաստանը հարձակվում է իմ դաշնակիցների վրա, մենք պետք է մեր ուժերի ներածին չափով աջակցություն ցուցաբերենք։ Արդյո՞ք մենք միասին չենք ՆԱՏՕ-ում»,-հայտարարել է նա։
2020-ի սեպտեմբերին Արցախում Թուրքիայի և Ադրբեջանի սանձազերծած պատերազմից հետո ամերիկյան Andair ընկերությունը հայտարարել էր, որ Մեծ Բրիտանիայում Հայաստանի դեսպանատան պահանջով թուրքական «Բայքարի» համար այլևս պահեստամասեր չի մատակարարելու:
Հոկտեմբերին կանադական Bombardier Recreational Products (BRP) ընկերությունը նույնպես հայտարարել էր, որ դադարեցնում է թուրքական անօդաչու թռչող սարքերի համար շարժիչների վաճառքը: Դա հաջորդել է Կանադայի կառավարության՝ Թուրքիա զենքի արտահանումը դադարեցնելու որոշմանը։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել