Հայաստանում գազաբալոններով մեքենաների վարորդները պարտավոր կլինեն ունենալ դրանց շահագործման լիցենզիա
Հայաստանում գազաբալոններով մեքենաների վարորդները պարտավոր կլինեն ունենալ դրանց շահագործման լիցենզիա: Այս մասին ԱԺ նիստում «Ճանապարհային երթեւեկության անվտանգության ապահովման մասին» օրենքում եւ հարակից օրենքներում փոփոխություններ կատարելու մասին օրինագծերի երկրորդ եւ վերջնական ընթերցմամբ քննարկման ժամանակ հայտարարեց ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը:
Այդպիսով, երկրի իշխանություններն առաջարկում են ներդնել տնտեսվարող սուբյեկտների պարտադիր լիցենզավորում, որոնք զբաղվում են գազաբալոնների տեղադրմամբ: «ՀՀ կառավարությունը մշակում է անհրաժեշտ տեխնիկական եւ այլ պահանջներ ընկերությունների նկատմամբ, որոնք լիցենզիա կստանան: Լիցենզավորված բալոնի մասին տվյալները կներառվեն տվյալների միասնական բազայում»,-հայտնեց փոխնախարարը:
Իսկ գազալիցքավորման կայաններն իրավունք չեն ունենա բալոնները լիցքավորել առանց վկայականի, ինչպես նաեւ այն դեպքում, եթե այն ժամկետանց է, քանի որ այն կարող են ստուգել էլեկտրոնային բազայում: Իսկ բալոնների՝ սահմանված պահանջներին չհամապատասխանելու դեպքում դրանց օգտագործումը կարգելվի: Խախտողներին կսպառնա վարչական տույժ:
Օրինագիծը ենթադրում է նաեւ արգել ավտոբուսների սալոններում բալոնների տեղադրման համար: Տանիքին դրանց տեղադրման ժամանակ բալոնները պետք է պաշտպանված լինեն արեւի ուղիղ ճառագայթներից, ձնից եւ անձրեւից:
Իր հերթին, համազեկուցող, «Իմ քայլի» պատգամավոր Գեւորգ Պապոյանը խոստովանեց, որ տվյալ փոփոխությունները որոշ անհարմարություններ են ստեղծում վարորդներին, որոնք ստիպված են ստուգել գազի բալոնների անվտանգությունը: Այնուամենայնիվ, նա վստահեցրեց, որ դա արվում է ինչպես վարորդների, այնպես էլ ուղեւորների անվտանգությունն ապահովելու համար:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս