Հայաստանում լինելու է մեկ պետական լեզու և այդպես լինելու է միշտ. Ա. Հովհաննիսյան
Ես չեմ կարծում, որ այն մարդիկ, որոնք իրենց պատկերացումներով արևմտամետ են կամ ռուսամետ են, հակառակվում են մեր լեզվին, հայոց պետականությանը: Այսպիսի հայտարարություն արեց «Դեմ ենք օտարալեզու դպրոցների բացմանը» շարժման անդամ Արմեն Հովհաննիսյանը «Մեդիա կենտրոնում» «Ի՞նչ հետևանքներ կունենա Հայաստանում ռուսերենին պաշտոնական կարգավիճակ տալը» թեմայով քննարկմանը:
«Եկեք տարանջատենք արևմտամետ և ռուսամետ մոտեցումները լեզվի խնդրից և մեր պետական ինքնորոշման խնդրից: Կան ծայրահեղականներ, որոնք, այո, կարծում են, որ Հայաստան պետություն ընդհանրապես չի կարող լինել, պետք է լինի ռուսական մարզ ՌԴ կազմում: Բայց բնականաբար, դրանք չնչին փոքրամասնություն են: Այդ չնչին փոքրամասնությունը բոլոր իմաստներով պետք է արհամարհել»,- առաջարկեց Արմեն Հովհաննիսյանը:
Ինչ վերաբերում է մնացածին, ապա, նրա կարծիքով, լեզվի հանդեպ հասարակության վերաբերմունքը մեր հիմնարար արժեքներից է, որը միավորում է մարդկանց՝ անկախ համոզմունքներից, սոցիալական խմբերից և այլն: Ճնշող մեծամասնության համար հայերենի պաշտոնական վիճակը, գոնե այդ մակարդակով փոփոխելն անընդունելի է:
«Դեմ ենք օտարալեզու դպրոցների բացմանը» շարժման անդամը համոզված է, որ ցանկացած հարցման արդյունք կհաստատի դա:
«Ինչ վերաբերում է այն մարդկանց, ում մեջ դրական սպասումներ են արթնանում ռուսերենը պետական լեզու ընդունելուց, ապա նրանք շատ մեծ հնարավորություն ունեն ապրելու երկրներում, որտեղ ռուսերենը պաշտոնական լեզու է, դրանք մի քանիսն են և բացարձակ հարմարավետ կարող են գնալ ապրել Ռուսաստանում, Ղազախստանում, Ղրղզստանում և այլն: Հայաստանում լինելու է մեկ պետական լեզու: Եղել է 70-ական թվականների վերջից, նույնիսկ Խորհրդային ժամանակներից և այդպես լինելու է միշտ»,- ասել է Արմեն Հովհաննիսյանը:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Շարունակում ենք ստուգայցերը ՊՆ զորամասեր (տեսանյութ)
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա