Հայ երգիչն իր առաջին Գրան Պրին շահել է Թուրքիայում
Մարգար Եղիազարյանը ծնվել է Էջմիածնում: Մայրը ժամանակին երգել է երգչախմբում, իսկ հայրն ակարդիոն է նվագել: Շատ լավ երգել է նաև իր տատը, բայց իր ընտանիքի անդամները չեն շարունակել զարգացնել արվեստի սիրելի ուղղությունը: Փոխարենը դա արել է Մարգարը: Ուսանողական տարիներին նա շատ ակտիվ է եղել, մասնակցել տարբեր միջոցառումների:
Առնո Բաբաջանյանի անվան միջազգային մրցույթի դիպլոմակիր է: Որպես մենակատար 2010 թվականից երգում է Գյումրու «Գոհար» նվագախմբում. այդ մեծ ընտանիքի անդամներից մեկն է ու իր համար մեծ պատիվ է այնտեղ երգելը: Այս երգչախմբի հետ շատ է շրջագայել՝ Հարավային Ամերիկա, Լիբանան: 11 տարի է, ինչ Հայաստանի պետական գուսանական անսամբլի մենակատար է:
-Սիրել եմ ժողովրդական երգեր: Երգել եմ պատանի տարիներից՝ Էջմիածին քաղաքի ժողգործիքների համույթում՝ «Նավասարդ» երգչախմբում: 2003 թվականին ընդունվել եմ կոնսերվատորիա, դասական-ոգալ բաժինը, դրան զուգահեռ որպես մեներգիչ ընդունվել ՀՀ գուսանական և ժողովրդական երգի պետական անսամբլը: Մինչ օրս որպես սոլիստ այնտեղ եմ աշխատում,- մեզ հետ զրույցում նշեց Մ.Եղիազարյանը:
«Տենոր» ասոցիացիայի առաջարկով վերջինս մասնակցել է Թուրքիայում տեղի ունեցած երգի մրցույթին: Այդ երկրում կայացած «Հարմոնիա» 7-րդ միջազգային մրցույթ-փառատոնից Մ.Եղիազարյանը վերադարձել է Գրան Պրի մրցանակով:
-Այստեղ ինձ հետաքրքրեց այն, որ կարող եմ մեր ազգայինը ներկայացնել: Թուրքիայում իմ ելույթը շատ լավ ընդունվեցին, իմ հանդեպ ոչ մի խտրականություն չի եղել: Երգել եմ մեր ազգային երգերից՝ «Հորովել», «Դլե յաման», «Իմ Անի», նաև Կոմիտասի երգերից: Ժյուրին 9-ը հոգուց էր բաղկացած՝ Թուրքիայից, Ադրբեջանից, Ղազախստանից, Լիտվայից, Վրաստանից, Հայաստանից, Իտալիայից և այլ երկրներից:
Մ.Եղիազարյանի խոսքերով Թուրքիայում ժյուրիի անդամները շատ են հուզվել իր կատարումներից.«Երբ ինձ հարցրեցին՝ Ալեքսեյ Հեքիմյանի «Անին» շա՞տ ես հավանել, ինչի՞ մասին է, սիրո՞: Ես էլ պատասխանեցի, որ մեր հին մայրաքաղաք Անիի մասին է, որը Թուրքիայի տարածքում է գտնվում»:
Հուլիսի 13-16-ը երգիչն Հայաստանում մասնակցելու է «Տենոր» ասոցիացիայի և Առնո Բաբաջանյան համերգասրահի կազմակերպած «Ոսկե ձայն» 2-րդ միջազգային մրցույթին:
-Օգոստոսին Լիտվայում «Երաժշտություն առանց սահմանների» երգի մրցույթ է տեղի ունենալու: Հրավեր եմ ստացել, որպեսզի մասնակցեմ դրան: Եթե ժամանակս ների, հավանաբար կմասնակցեմ դրան՝ Հայաստանը ներկայացնելով դասական և ֆոլկլոր երաժշտության ժանրերում,- այսպես եզրափակեց մեր զրույցն իմ զրուցակիցը:
Անահիտ Սիմոնյան
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Շարունակում ենք ստուգայցերը ՊՆ զորամասեր (տեսանյութ)
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա