BBC-ն անդրադարձել է հայերի ու բասկերի մշակույթների նմանություններին
BBC-ի հոդվածագիր Ջասթին Կալդերոնն անդրադարձել է հայերի ու բասկերի մշակույթին, լեզվին, եղած նմանություններին: «Արմենպրես»-ի հաղորդմամբ, հոդվածագիրը, լինելով Բասկերի երկրում, օրինակներ է ներկայացնում ժամանակակից հետազոտություններից, որոնցում խոսվում է երկու ժողովուրդների լեզվական ընդհանրություններից:
Նախ` նա սկսում է Սան Սեբաստիան քաղաքի տաճարի նկարագրությամբ, որը համարվում է ամենաշատ այցելուներ ունեցող տեսարժան վայրերից մեկը: Այնուհետև անդրադարձ է կատարում տաճարի բակում տեղակայված հայկական խաչքարին: Հոդվածագիրը նշում է, որ հայկական խաչքարը կանգնեցվել է տեղի հայ համայնքի ջանքերով: Այն նվիրված է 1915 թվականի Օսմանյան Թուրքիայում զանգվածային սպանված հայերի հիշատակին: Նա նշում է, որ Բասկերի երկրի խորհրդարանը Իսպանիայում հինգ խորհրդարաններից մեկն է, որը պաշտոնապես այն ճանաչել է:
«Երբ ես առաջին անգամ տեսա հայկական խաչքարը, ես նոր էի ժամանել Ֆրանսիայի Բիարից քաղաքից, որտեղ բնակվում են բասկեր, որտեղ հայ-բասկյան ասոցիացիան հիմնադրել է ամուր բարեկամություն երկու խմբերի միջև: Ես նկատեցի, որ Սան Սեբաստիանում գտնվող հայկական խաչքարը նման է Բիարիցում գտնվող բասկյան խաչքարին:
Այս երկու ազգերը գտնվում են Եվրոպայի տարբեր մասերում, սակայն նրանց միջև գոյություն ունի փոխադարձ վստահություն և բարեկամություն: Չնայած նրանց լեզուների միջև առաջին հայացքից չկա նմանություն, բայց նրանք կիսում են քերականական տարրեր, որոնք ընդունվում են ինչպես հայ, այնպես էլ բասկ գիտնականների կողմից»:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա