«Ամբերդ ամրոցի» հարակից տարածքի սեփականատերերն ընդունել են իրենց մեղքը. շինաշխատանքները դադարեցված են. Քաղշինկոմիտե
«Ամբերդ ամրոց» պատմամշակութային արգելոցի տարածքում ծանր տեխնիկայով եւ, առհասարակ, որեւէ տեսակի աշխատանքները դադարեցված են։ Ամբերդն ազգային հարստություն է, եւ նմանօրինակ գործողություններն անթույլատրելի են։
Ինչպես տեղեկացնում է ՀՀ քաղաքաշինության կոմիտեն, այս մասին ասել է Կոմիտեի նախագահ Վահագն Վերմիշյանը Ամբերդի հարակից տարածքում շինաշխատանքներ իրականացնող Սիրակ եւ Մանուկ Մանուկյանների հետ հանդիպման ընթացքում:
Հայտարարության մեջ մասնավորապես նշված է. «Զբոսաշրջային զարգացման նպատակ հետապնդող ցանկացած նախաձեռնություն այս տարածքում պետք է արվի ՀՀ մշակույթի նախարարության գիտամեթոդական խորհրդի հավանությանն արժանացած նախագծի հիման վրա, երբ արդեն իսկ առկա կլինեն հնագիտական եզրակացությունները: Այստեղ անհրաժեշտության դեպքում կկատարվեն հնագիտական պեղումներ: Տարածքի սեփականատերեր Սիրակ եւ Մանուկ Մանուկյաններն ընդունել են իրենց բաժին մեղավորությունը, եւ խնդրել միասին քննարկումների ու մասնագետների աջակցությամբ իրավիճակից դուրս գալու ելքեր փնտրել:
«Ամբերդ ամրոց» պատմամշակութային արգելոցի տարածքում եւ դիտման գոտում որեւէ միջամտություն հարկավոր է անել չափազանց զգուշավորությամբ եւ համայնապատկերին համահունչ: ՀՀ քաղաքաշինության կոմիտեի նախագահը նշել է, որ նմանօրինակ դեպքերը բացառվելու են, լինելով անձամբ իր եւ պատասխանատու մյուս կառույցների ուշադրության ներքո»:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա