5 հայեր, որոնք գրավել են Հոլիվուդը
Աշխարհի տարբեր ծայրերում բնակվող շատ ֆիլմասերների մոտ Հոլիվուդը զուգորդվում է բարձրորակ ֆիլմարտադրության հետ, որի շրջանակներում թողարկված ֆիլմերը հավակնում են միջազգային հայտնի մրցանակների:
Օրերս rusarminfo.ru կայքը ներկայացրել է հոլիվուդյան կինոարտադրության մեջ հայկական ծագում ունեցող առավել հայտնի դերասանների և կինոգործիչների հնգյակը, որը ներկայացնում ենք ստորև.
Սթիվեն Զայիլյան
Ամերիկահայ կինոսցենարիստ Սթիվեն Զայիլյանը սովորել է Կալիֆոռնիայի համալսարանի ֆիլմարվեստի ֆակուլտետում: Նրա առաջին ինքնուրույն աշխատանքը 1984թ.-ին նկարահանված «Բազեն և ձնեմարդը» (The Falcon and the Snowman) ֆիլմն է, որում գլխավոր դերերում Շոն Փենն ու Թիմոթի Հաթթոնն են:
Առաջին հաջողություններից հետո Զայիլյանը 1990-ականներին Ռոբերտ դե Նիրոյի մասնակցությամբ «Արթնացումներ» ֆիլմի համար առաջադրվել է «Օսկար» մրցանակաբաշխությանը: Սցենարիստի ամենահայտնի ֆիլմը «Շինդլերի ցուցակ»-ն (Schindler's List) է, որի համար նա արժանացել է «Օսկար»-ի, «Ոսկե գլոբուս»-ի և այլ մրցանակների:
Զայիլյանն այնպիսի հայտնի ֆիլմերի սցենարի հեղինակներ է, ինչպիսիք են «Հաննիբալ»-ը (Hannibal), «Նյու Յորքի ավազակախմբերը» (Gangs of New York), «Վիշապի դաջվածքով աղջիկը» (The Girl with the Dragon Tattoo) և այլն:
Էնդի Սերքիս
Անգլիահայ դերասան, ռեժիսոր և սցենարիստ Էնդի Սերքիսը (Սարգսյան) ծնվել է 1964թ.-ին Լոնդոնում՝ Քլեմենտ Սարգսյանի և անգլուհի Լիլի Վիչի ընտանիքում: Որպես դերասան Սերքիսը նկարահանվել է ավելի քան 30 դերերում, իսկ որպես ռեժիսոր նկարահանել է «Հոբիթ. անսպասելի ճանապարհորդություն» (The Hobbit: An Unexpected Journey), «Մաուգլի» (Mowgli: Legend of the Jungle) և այլ հայտնի ֆիլմեր:
Սերքիսն առաջադրվել է «Ոսկե գլոբուս», «Էմմի» և Ֆիլմի և հեռուստատեսային արվեստի բրիտանական ակադեմիայի մրցանակների համար:
Հյուզ եղբայրներ
Կինոռեժիսորներ Ալլեն և Ալբերտ Հյուզ եղբայրները ծնվել են աֆրոամերիկացու և ամերիկահայի ընտանիքում: Հյուս եղբայրների ամենահայտնի ֆիլմերից մեկը՝ « Սպառնալիք 2. հասարակություն» (Menace II Society), ցուցադրվել է Կաննի փառատոնի ժամանակ: Այդ ժամանակվանից ի վեր եղբայրները ևս մի քանի ֆիլմ են նկարահանել, որոնցից ամենահայտնին «Եղիայի գիրքը» (The Book of Eli) դրաման է: Այս ֆիլմում գլխավոր կերպարին մարմնավորում է Դենզել Վաշինգտոնը:
Ռեժիսորները հպարտությամբ են խոսում իրենց հայկական արմատների մասին և 2010թ.-ին այցելել են Հայաստան:
Անժելա Սաֆարյան
Ամերիկահայ դերասանուհի Անժելա Սաֆարյանը ծնվել է Երևանում, իսկ 5 տարեկանից բնակվում է Միացյալ Նահանգներում:
2000թ.-ին Սաֆարյանն իր դեբյուտն արեց «Արդար Էմի» (Judging Amy) հեռուստասերիալի դրվագներից մեկում, ապա սկսեց նկարահանվել հեռուստասերիալներում: Սաֆարյանը երկրորդական դերեր է խաղացել այնպիսի հայտնի ֆիլմերում, ինչպիսիք են «Մթնշաղ. Լուսաբաց՝ Մաս 2»-ը (The Twilight Saga: Breaking Dawn - Part 2), «Պարանոյա»-ն (Paranoia), իսկ 2016թ.-ին Թերի Ջորջի՝ Հայոց ցեղասպանության մասին պատմող «Խոստում» ֆիլմում մարմնավորել է Մարալի կերպարը:
Ադամ Սևանի
Ամերիկահայ դերասան Ադամ Սևանին ֆիմլարվեստում իր կարիերան սկսել է 2007թ.-ին, երբ նրան դեր են առաջարկել «Քայլ առաջ. 2 փողոց» (Step Up 2: The Streets) պարային-մյուզիքլային ֆիլմում: Քսանութամյա դերասանն արժանացել է Young ամերիկյան Hollywood Award մրցանակին, որը շնորհվում է կինոյի և հեռուստատեսության երիտասարդ դերասաններին: Արդյունքում Սանին նկարահանվել է «Քայլ առաջ» ֆիլմի հաջորդ մասում, ինչպես նաև նկարել է Մայքլ Ջեքսոնի «Thriller» տեսահոլովակի ռիմեյքը։
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա