ԱՄՆ–ում վախճանվել է Եվգենի Եվտուշենկոն
Բանաստեղծ Եվգենի Եվտուշենկոն վախճանվել է 85 տարեկան հասակում, ԱՄՆ–ում,– հաղորդել է նրա այրին՝ Մարիա Նովիկովան։
Բանաստեղծին հիվանդանոց են տեղափոխել նախօրեին՝ ծանր վիճակում։
«Նա մահացավ մի քանի րոպե առաջ` հարազատներով եւ մտերիմներով շրջապատված։ Հանգիստ, քնի մեջ, սրտի կանգից»,– ասել է Նովիկովան։
Նա չի պատասխանել հուղարկավորության օրվա եւ ժամի մասին հարցերին։ «Կներեք, ոչ մի մեկնաբանություն, ոչ ոքի»,– հայտարարել է այրին։
Հյուստոնում Ռուսաստանի գլխավոր հյուպատոսարանը օգնելու է բանաստեղծի վերջին ցանկության կատարման հարցում,– հաղորդել են ԱՄՆ–ում ռուսական դեսպանատան մամլո ծառայությունից։
Պետական գրական թանգարանի տնօրեն Դմիտրի Բակի խոսքերով՝ Եվտուշենկոն կա եւ մնում է այն ժամանակների մարդը, երբ գրականությունը եւ պոեզիան մարդկանց վրա հսկայական ազդեցություն էին գործում, եւ նրա կյանքից հեռանալը նշանավորեց մի ամբողջ դարաշրջանի ավարտը։
Իր հերթին, երգիչ եւ Պետդումայի մշակույթի հանձնաժողովի նախագահի առաջին տեղակալ Իոսիֆ Կոբզոնը հայտարարել է, որ Եվտուշենկոն վաթսունականների ամենավառ կերպարն էր, «մարդ, ով ոչ միայն հանճարեղ բանաստեղծություններ էր գրում, այլ նաեւ Ռուսաստանի համար ժառանգություն էր ստեղծում՝ պոեզիայի ալմանախ, որտեղ նա ներառում էր ռուս պոետների լավագույն ստեղծագործությունները»։
Եվգենի Եվտուշենկոն ծնվել է 1932 թվականին, Իրկուտսկի շրջանում։ Նրա գրչին են պատկանում բանաստեղծությունների բազմաթիվ հավաքածուներ եւ 19 պոեմ, այդ թվում՝ «Կորրիդա», «Ազատության արձանի մաշկի տակ»։ Նա ճանաչում է ձեռք բերել նաեւ որպես արձակագիր, ռեժիսոր, սցենարիստ, հրապարակախոս եւ դերասան։
1991 թվականին բանաստեղծը դասավանդման պայմանագիր կնքեց Օկլահոմայի համալսարանի հետ եւ այդ ժամանակվանից ընտանիքով բնակվում էր ԱՄՆ–ում։
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Շարունակում ենք ստուգայցերը ՊՆ զորամասեր (տեսանյութ)
Երթևեկության կազմակերպման փոփոխություն՝ Վարդանանց փողոցում
Էլեկտրաէներգիայի ընդհատումներ կլինեն Երևանում և մարզերում
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Տուրիստ չեմ` ավտոբուս չկա