Փարիզի Աստվածամոր տաճարի հրդեհից հետո Վիկտոր Հյուգոյի համանուն վեպի վաճառքն ավելացել է
Երեկ երեկոյան Փարիզի Աստվածամոր տաճարում բռնկված հրդեհից հետո 19-րդ դարի հայտնի ֆրանսիացի գրող Վիկտոր Հյուգոյի «Փարիզի Աստվածամոր տաճարը» վեպն ընդգրկվել է առցանց առևտրով զբաղվող հայտնի Amazon ընկերության կայքում ամենավաճառվող գրքերի ցանկում, հաղորդում է BFM ТV հեռուստաալիքը:
Վեպի հրատարակություններից մեկը զբաղեցրել է ամենավաճառվող գրքերի շարքում 3-րդ, մեկ այլ հրատարակություն՝ 8-րդ հորիզոնականը:
«Փարիզի Աստվածամոր տաճարը» Հյուգոյի առաջին պատմական վեպն է, որն առաջին անգամ տպագրվել է 1831 թ.-ին: Վեպի իրադարձությունները ծավալվում են Փարիզում՝ 1482թ.-ին:
Հիշեցնենք, որ խոշոր հրդեհը բռնկվել էր ապրիլի 15-ի երեկոյան՝ տեղական ժամանակով ժամը 18:50-ի սահմաններում: Հրդեհի հետևանքով փլվել են տաճարի աշտարակը, փայտե կառույցները, տանիքը, տաճարը մեծապես տուժել է:
Հրդեհաշիջման աշխատանքներին շուրջ 400 հրշեջ է մասնակցել: Ժամեր անց հաղորդվել է, որ կրակը տեղայնացվել, այնուհետև մարվել է: Հրշեջներին հաջողվել է փրկել տաճարի հիմնական կառույցը:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա