Պատմաբանները պարզել են՝ որտեղ է Շեքսպիրը գրել «Ռոմեո և Ջուլիետ» պիեսը
Բրիտանացի պատմաբան Ջեֆֆրի Մարշը պարզել է, թե Լոնդոնի որ տանն է բնակվել անգլիացի հայտնի դրամատուրգ Ուիլիամ Շեքսպիրը 1590-ական թվականներին, երբ գրել է «Ռոմեո և Ջուլիետ», «Միջամառնային գիշերվա երազ», «Վենետիկի վաճառականը» և «Ռիչարդ II» պիեսները։
Ինչպես նշում է The Telegraph պարբերականը, 10 տարվա աշխատանքներից հետո Մարշը պարզել է, որ դրամատուրգն այդ շրջանում բնակվել է Բիշոփսգեյթ փողոցի այն տանը, որը նախկինում գտնվել է սուրբ Հեղինեի եկեղեցու մոտ։
Այս բացահայտումը թույլ կտա նոր հայացքով քննել Շեքսպիրի ստեղծագործությունները։ Պատմաբանը կարծում է, որ դա կարող է բացատրել «Մակբեթ» ողբերգության մեջ վհուկների ներկայությունը և այն, թե ինչու են դրամատուրգի պիեսների մեծ մասի գործողությունները ծավալվում այլ երկրներում, մասնավորապես՝ Իտալիայում։
«Նա ապրել է հարուստ, տիտղոս ունեցող և ինքնավստահ մարդկանց շրջապատում, որոնք ղեկավարում էին այն աշխարհը, որ նա ճանաչում էր։ Շեքսպիրը մրցունակ միջավայրում ապրող գավառացի էր, և նման մարդկանց հետ շփումը նրա վրա խոր ազդեցություն է թողել»,- ասել է Մարշը։
Ինչպես վստահեցնում է պատմաբանը, Շեքսպիրի հարևանները կարող էին լինել հարուստ բժիշկներ Փիթր Թըրներն ու Էդվարդ Ջորդենը։ Թըրները, հավանաբար, հորից հարուստ գրադարան է ժառանգել, որից Շեքսպիրն օգտվել է։
Բժիշկ Ջորդենը Լոնդոն է տեղափոխվել իտակալան Վենետիկ քաղաքից ոչ հեռու գտնվող Պադույա քաղաքում սովորելուց հետո։ Հավանական է, որ հենց նրա հետ խոսակցություններից է Շեքսպիրը ձեռք բերել Իտալիայի մասին իր գիտելիքները։
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա