Ինչո՞ւ է Կոնստանտին Օրբելյանն ազատվել աշխատանքից. Մշակույթի նախարարության պարզաբանումը
Ա. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար և տնօրեն Կոնստանտին Օրբելյանի լիազորությունները դադարեցվել են՝ ՊՈԱԿ-ների մասին օրենքի 15-րդ հոդվածի 3-րդ մասի համաձայն, ըստ որի, տնօրենի պաշտոնը զբաղեցնելու հետ մեկտեղ անձն իրավունք չունի զբաղեցնել մեկ այլ պաշտոն՝ բացի մանկավարժական, ստեղծագործական և գիտական աշխատանքից: Tert.am-ի հետ զրույցում պարզաբանեց Մշակույթի նախարարության իրավաբանական վարչության պետ Անուշ Ղազարյան:
«Հաշվի առնելով այս հանգամանքը, պարոն Օրբելյանին և՛ գրավոր, և՛ բանավոր մի քանի անգամ զգուշացվել է հրաժարվել կամ գեղարվեստական ղեկավարի, կամ տնօրենի պաշտոնից: Պարոն Օրբելյանը հրաժարվել է այս հանձնարարականը կատարել, այդ պատճառով մշակույթի նախարարի պարտականությունները կատարող Նազելի Ղարիբյանի հրամանով դադարեցվել են նրա լիազորությունները»:
Անուշ Ղազարյանը նաև պարզաբանեց, որ Կոնստանտին Օրբելյանը շարունակում է զբաղեցնել թատրոնի գեղարվեստական ղեկավարի պաշտոնը. «Գեղարվեստական ղեկավարին տնօրենն է նշանակում, տվյալ դեպքում տնօրենը հենց Կոնստանտին Օրբելյանն էր: Նախարարությունն իրավունք չունի գեղարվեստական ղեկավարին ազատելու, դա ՊՈԱԿ-ի տնօրենի իրավասությունն է»:
Հիշեցնենք, որ Ա. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար և տնօրեն Կոնստանտին Օրբելյանն ազատվել է զբաղեցրած պաշտոնից:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա