Սբ Սոֆիայի տաճարին վերաբերող Էրդողանի առաջարկությունը վիրավորական է․ Հունաստան
Սուրբ Սոֆիայի տաճարը մզկիթի վերածելու Թուրքայի նախագահ Ռեջեփ Թայիփ Էրդողանի առաջարկությունը վիրավորական է ոչ միայն քրիստոնյաների, այլեւ միջազգային հանրության համար։ Այս մասին հայտարարել է Հունաստանի ԱԳ նախարար Ջորջ Կատրուգալոսը՝ հայտնում է Greek Reporter-ը։
«Այն ոչ միայն քրիստոնեական աշխարհի մեծ տաճար է, մեծագույնը շատ հարյուրամյակների ընթացքում, այն նաեւ պատկանում է մարդկությանը։ Տաճարը ՅՈՒՆԵՍԿՕ-ի կողմից ճանաչվել է որպես մեծ մշակութային ժառանգություն»,- հիշեցրել է հույն նախարարը։
Էրդողանը մարտի 24-ին Հունաստանի անկախության տոնի նախօրեին խոսել էր տաճարը մզկիթի վերածելու հնարավորության մասին։ «Դա բացառված չէ։ Ինչպես գիտեք, մզկիթը 1935թ․ վերածվել է թանգարանի, ինչը խոսում է Ազգային հանրապետական կուսակցության մենթալիտետի մասին։ Մենք նույնպես կարող ենք քայլ կատարել եւ փոխել դա»,- ասել էր նա։
Ավելի վաղ Էրդողանը հայտարարել էր, որ ինքը համաձայն չէ Սուրբ Սոֆիայի տաճարը մզկիթի վերածելու գաղափարի հետ, քանի որ դա լուրջ հետեւանքների կարող է հանգեցնել։
Սուրբ Սոֆիայի տաճարը բյուզանդական ժամանակաշրջանի հանրահայտ հուշարձան է։ Այն կառուցվել է 532-537 թվականներին՝ Յուստինիան կայսեր հրամանով, որը որոշել էր հավերժացնել Կոստանդնուպոլսի հիշատակը։
1453 թվականից այնտեղ մզկիթ էր գործում։ 1935 թվականին տաճարը դարձել է թանգարան։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Տարոն Մարգարյանը կգործուղվի Մոսկվա
54-ամյա Քրիստինա Օրբակայտեն լողազգեստով ցուցադրել է կազմվածքը
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Հայտնի է երկրի ամենախիտ բնակեցված քաղաքը
Քեյթ Միդլթոնը բացահայտել է իր արտաքինի մասին զարմանալի գաղտնիք
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան