Հոլիվուդյան հայտնի դերասանը վերածվել է հայ գանգստերի
Հոլիվուդյան դերասան Ադամ Չեկմանը նկարահանվում է ամերիկացի ռեժիսոր Նիկոլաս Ջարեկի նոր «Երազանքների քաղաք» («Dreamland») ֆիլմում, որում կմարմնավորի հայ գանգստերի կերպարը։ Ջարեկի սցենարը պատմում է թմրամիջոցների միջազգային ճգնաժամի մասին երեք խաչվող պատմություններ։
«Չեկմանի կերպարն Արմեն անունով երիտասարդ տղամարդ է՝ թրիլերի գլխավոր հերոսներից մեկի՝ ԱՄՆ թմրամիջոցների դեմ պայքարի վարչության գաղտնի գործակալի զինակիցը»,- գրում է ամերիկյան Deadline.com-ը։
Ըստ սյուժեի՝ թմրամիջոցներ վաճառողը ֆենտանիլի մաքսանենգության օպերացիա է կազմակերպում Կանադայի եւ ԱՄՆ-ի միջեւ։ Ճարտարապետը, ով ապաքինվում է օքսիկոնտինի կախվածությունից, պարզում է որդու՝ թմրամիջոցներից կախվածության վերաբերյալ ճշմարտությունը։ Համալսարանի պրոֆեսորն անսպասելի տեղեկատվություն է ստանում իր գործատուի՝ պետական մասնակցությամբ դեղագործական ընկերության մասին։ Այն շուկա է հանում նոր, «կապվածություն չառաջացնող» ցավազրկող պրեպարատ։
Չեկմանի հետ ֆիլմում խաղում են Հոլիվուդի աստղեր Լիլի-Ռոուզ Դեփը. Միշել Ռոդրիգեսը («Ավատար»), Գերի Օլդմանը («Հինգերորդ տարր»), Գրեգ Կիները («Քենեդիների կլան»), Էվանջելինա Լիլին («Վրիժառուները. եզրափակիչ»), Արմի Համերը («Միայնակ ռենջերը») եւ գերմանացի դերասանուհի Վերոնիկա Ֆերեսը։
Ադամ Չեկմանը կանադացի դերասան է, ով հասցրել է խաղալ հայտնի ամերիկյան սերիալներում՝ «Ինչպես ես հանդիպեցի ձեր մայրկին», «Մենթալիստ» եւ «Վաղվա լեգենդները»։
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա