Բուքմեյքերները ներկայացրել են Եվրատեսիլ 2018-ում հաղթելու հավակնորդների ցանկը

Վերլուծական Oddschecker պորտալը հրապարակել է «Եվրատեսիլ» երգի մրցույթի մասնակիցների ցանկը, որոնք ամենից շատ հնարավորություն ունեն հաղթելու համար:

Ինչպես ներկայացնում է Корреспондент-ը, բուքմեյքերների կարծիքով՝ հավակնորդների ցանկում առաջատարն է Կիպրոսի ներկայացուցիչ Էլենի Ֆուրեյրան:

Ինչպես նշվում է, նրան հաջողվել է շլացուցիչ կերպով ավարտել առաջին կիսաեզրափակիչը՝ կատարելով Fuego աշխույժ ստեղծագործությունը:

Երկրորդ տեղում է Նորվեգիայի ներկայացուցիչ Ալեքսանդր Ռիբակը՝ That's How You Write A Song երգով:

Միևնույն ժամանակ, Իսրայելի ներկայացուցիչ Նետտա Բարզիլայն, ով մինչ այժմ առաջատարն էր հաղթանակի հավակնորդների շարքում, հայտնվել է երրորդ հորիզոնականում:

Առաջատար հնգյակում նշվում են նաև Լիտվայի ներկայացուցիչ Եվա Զասիմասուկայտեն և Ֆրանսիայի ներկայացուցիչ Madame Monsieur-ը:

Հիշեցնենք, որ առաջին կիսաեզրափակչին երեկ մասնակցել է նաև Սևակ Խանաղյանը՝ հայերեն «Քամի» երգով, սակայն եզրափակիչ փուլ չի անցել: