ՄԻՊ ներկայացուցիչներն իրազեկման այց են իրականացրել Երևանի Լևոն Շանթի անվան թիվ 4 հիմնական դպրոց
Մարդու իրավունքների պաշտպանի աշխատակազմի Կոնվենցիոն մանդատների ապահովման վարչության ներկայացուցիչներն իրազեկման այց են իրականացրել Երևանի «Լևոն Շանթի անվան թիվ 4 հիմնական դպրոց» ՊՈԱԿ։
Այցի շրջանակում սովորողներին և դպրոցի անձնակազմի ներկայացուցիչներին ներկայացվել են Մարդու իրավունքների պաշտպանի հաստատության առաքելությունը, լիազորությունների շրջանակը, աշխատանքի հիմնական ուղղություններն ու առաջնահերթությունները, ինչպես նաև Պաշտպանին դիմելու եղանակները։
Ի թիվս այլնի, սովորողների հետ քննարկվել են երեխաների նկատմամբ բռնության կանխարգելման և արձագանքման, երեխայի անձնական տվյալների պաշտպանության ու առցանց միջավայրում անվտանգության ապահովման, երեխայի աշխատանքային իրավունքների, անչափահասների քրեական պատասխանատվության առանձնահատկությունների, ինչպես նաև երեխայի լավագույն շահի առաջնահերթության վերաբերյալ հարցեր։
Հանդիպման ընթացքում սովորողներին ներկայացվել են նաև Մարդու իրավունքների պաշտպանին առընթեր՝ երեխաների իրավունքների պաշտպանության հարցերով հասարակական խորհրդի գործունեությունը և նպատակները։ Ընդգծվել է Խորհրդի կարևոր դերակատարությունը՝ որպես երեխաների և երիտասարդների ձայնը լսելի դարձնելու, նրանց տեսակետներն ու առաջարկությունները ներկայացնելու, ինչպես նաև հանրային տարբեր գործընթացներում նրանց ակտիվ մասնակցությունն ու ներգրավվածությունն ապահովելու արդյունավետ հարթակ։
Մարդու իրավունքների պաշտպանի աշխատակազմի կողմից իրականացվող իրազեկման այցերը հանրակրթական ուսումնական հաստատություններ կրում են շարունակական բնույթ՝ նպատակ ունենալով բարձրացնել երեխաների իրազեկվածությունն իրենց իրավունքների, դրանց պաշտպանության հնարավորությունների և հասանելի մեխանիզմների վերաբերյալ։
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Firebird AI կենտրոնը կարող է օգտագործվել արևմտյան հատուկ ծառայությունների կողմից. Շևցով
Էրեբունի-րևան. ինչպես է փոխվել մայրաքաղաքի ծննդյան տոնը՝ հոբելյանական միջոցառումից մինչև քաղաքային ա...
Մարկո Ռուբիոյին կոչ են արել դադարեցնել Ադրբեջանին ցուցաբերվող ամերիկյան ռազմական աջակցությունը
Իրան այցի շրջանակում քննարկված մի շարք պայմանավորվածություններ իրականություն են դառնում
Երկրորդ սերնդի մոլորակ
Ճիշտ պահն է մտածելու Էվերթոնի պատմության հաջորդ գլխի մասին
Երբ դուրս ես գալիս խաղադաշտ, մտածում ես բացառապես հաղթանակի մասին
Աջափնյակում սպանության գործով հետախուզվողը ձերբակալվել է Վրաստանում