Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի

Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ՝ հայտարարել է Իրանի ԱԳՆ խոսնակը:

«Մենք մտադիր չենք առաջիկա օրերին որևէ մակարդակով հանդիպել ամերիկյան ներկայացուցիչների հետ։ Այն, ինչ, հավանաբար, տեղի կունենա Դոհայում վաղը, բանակցություններ են հուշագրի դրույթների իրականացման, այն է՝ իրանական ակտիվների ապասառեցման հարցի շուրջ, բայց այդ բանակցությունները տեղի կունենան կատարական կողմի հետ»,- ասել է Էսմայիլ Բաղաեին ճեպազրույցի ընթացքում:

Կատարի ԱԳՆ-ից էլ նշել են, որ կողմերն առայժմ առաջընթաց չեն գրանցել իրանական 6 մլրդ դոլարի ակտիվների ապասառեցման հարցում: Կատարի ԱԳՆ պաշտոնական ներկայացուցիչը նշել է, որ այդ հարցը կախված է կողմերի համաձայնությունից և բանակցությունների ընթացքից:

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում