Այն, ինչ պետք է ճանաչված փաստ լիներ, շարունակում է սադրիչ թեմա մնալ. NYT-ի անդրադարձը Ցեղասպանության մասին նոր ֆիլմին
Կադր ֆիլմից՝ հնագետները պեղում են զանգվածային գերեզմանոցներն ու հանում Ցեղասպանության զոհերի մնացորդները
Ամերիկյան New York Times պարբերականն անդրադարձել է Ջո Բեռլինգերի Հայոց ցեղասպանության մասին «Բնաջնջման մտադրություն. մահ, ժխտում և նկարագրում» վավերագրական ֆիլմին:
Անդրադարձի հեղինակ Քեն Յավորովսկին նկատում է, որ Հայոց ցեղասպանությունն այն թեման է, որի շուրջ հնարավոր չէ առանց հույզերի քննարկում ծավալել: Սակայն տվյալ ֆիլմում հավասարակշռության են բերվել հույզերն ու ինքնատիրապետումը, ինչը պատմությունն առավել ազդեցիկ է դարձրել:
Այնուհետ Յավորովսկին մեջբերում է հայտնի պատմական փաստեր՝ օսմանյան թուրքերի կողմից սպանված 1.5 մլն հայերի մասին:
«Այն, ինչ պետք է ճանաչված փաստ լիներ, շարունակում է սադրիչ թեմա մնալ, քանի որ թուրքական կառավարությունը շարունակում է անտեսել կամ հերքել մեկդարյա վաղեմության դեպքերը՝ ստիպելով նույնկերպ վարվել բիզնես ոլորտի ներկայացուցիչներին ու մյուս կառավարություններին»,-գրում է հեղինակը:
Աղբյուրը մանրամասնում է, որ Բեռլինգերն օգտագործել է Ցեղասպանությունը վերապրածների հին տեսագրություններն ու պատմական փաստեր՝ իրականացված հանցագործությունների ամբողջական ակնարկը կազմելու համար:
Յավորովսկին ընդգծում է, որ ռեժիսորի նախագիծը խորհրդանշական է, քանի որ առկա ապացույցների համաձայն՝ թուրքական կառավարությունը հաճախ ճնշում է գործադրել կինոստուդիաների վրա՝ Հայոց ցեղասպանության մասին ֆիլմերը «դարակներում թողնելու» համար:
«Ավելորդ ճիգեր հարկավոր չեն տեսնելու համար՝ ինչպես է հայերի սպանդը նպաստել Հոլոքոստի համար պարարտ հող ստեղծելու հարցում»,-գրում է հեղինակը:
Նա անդրադարձն ավարտում է ֆիլմի վերջում երևացող գիտնականներից մեկի խոսքով. «Եթե Դուք ուզում եք հասկանալ Հարավսլավիայի սպանդը, Ռուանդայի ցեղասպանությունը, ինչպես նաև մեր օրերում կատարվող զանգվածային դաժանությունները, պետք է ուսումնասիրեք Հայոց ցեղասպանությունը»:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա