Ադելը «տրորեց Բեյոնսեի քիթը». բրիտանացի երգչուհին «Գրեմմի»-ի հերոսուհին է. (Լուսանկարներ)
Լոս Անջելեսի Staples Center-ում անցկացվել է հեղինակավոր «Գրեմմի» 59-րդ մրցանակաբաշխության արարողությունը:
Կարմիր գորգի շքեղ կերպարների մասին կպատմենք քիչ ուշ. այնտեղ մի շարք շքեղ կերպարներ կան Ջեյ Լոյից, Ռիհանայից, Լեդի Գագայից, Ադելից եւ այլն:
Իսկ մինչ այդ՝ անցնենք հաղթողներին եւ նախապես նշենք, որ մրցանակաբաշխության ամենասպասված իրադարձությունը՝ հղի Բեյոնսեի ելույթը, ամեն դեպքում, կայացել է:
Երգչուհին հայտնվել է հնդկական աստվածուհու կերպարով եւ իր վերջին ալբոմից երկու հիթ կատարել՝ Sandcastles-ը եւ Love Drought-ը:
Դահլիճը Բեյոնսեին հոտնկայս է ողջունել:
Ի դեպ՝ «Լավագույն երաժշտական ֆիլմ» անվանակարգում Բեյոնսեի Lemonade-ի զիջել է ռեժիսոր Ռոն Հովարդի «The Beatles: Eight Days a Week - The Touring Years» վավերագրական ժապավենին:
Ընդհանրապես, 9 անվանակարգում առաջադրված Բեյոնսեն պարտվել է Ադելին:
Բրիտանացի երգչուհին «Լավագույն փոփ ալբոմ» անվանակարգում մրցանակ է ստացել իր «25» սկավառակի համար:
Իհարկե՝ Բեյոնսեն մրցանակ է ստացել «Լավագույն ժամանակակից ալբոմ» անվանակարգում:
Իսկ Ադելը մրցանակի է արժանացել նաեւ «Լավագույն փոփ կատարում» անվանակարգում՝ Hello երգի համար, շրջանցելով Բեյոնսեին Hold Up կոմպոզիցիայով:
Ադելի Hello երգը նաեւ «Գրեմմի» է ստացել «Տարվա երգ» անվանակարգում:
Հաղթողի անունը հայտարարեց, ինչպես նաեւ արձանիկը շնորհել է Սելին Դիոնը:
Այս անվանակարգում ներկայացված էին նաեւ հետեւյալ կոմպոզիցիաները. «Formation» (Բեյոնսե), «Love Yourself» (Ջասթին Բիբեր), «7 Years» (Lukas Graham) եւ «I Took a A Pill in Ibiza» (Մայք Պոզներ):
2016 թվականին վախճանված Դեւիդ Բոուին «Գրեմմի»-ի է արժանացել «Լավագույն ալտերնատիվ ալբոմ» անվանակարգում՝ Blackstar սկավառակի համար:
Chance the Rapper-ը «Գրեմմի» է ստացել որպես լավագույն նոր կատարող:
«Գրեմմի 2017» մրցանակաբաշխության հաղթողների հիմնական ցանկը.
«Տարվա ձայնագրություն» - Hello, Ադել
«Լավագույն երգ» - Hello, Ադել
«Լավագույն նոր արտիստ» - Chance the Rapper
«Տարվա ալբոմ» - 25, Ադել
«Լավագույն վոկալ փոփ կատարում» - Hello, Ադել
«Լավագույն վոկալ փոփ ալբոմ» - «25», Ադել
«Լավագույն ռոք ելույթ» - Blackstar, Դեւիդ Բոուի
«Լավագույն ռոք ալբոմ» - Tell Me I'm Pretty, Cage The Elephant
«Լավագույն R&B ելույթ» - Cranes In The Sky, Սոլանժ Նոուլզ
«Լավագույն ուրբան-ալբոմ» - Lemonade, Բեյոնսե
«Լավագույն ռեգգի ալբոմ» - Ziggy Marley, Զիգի Մարլի
«Լավագույն պարային/էլեկտրոնային ալբոմ» - Skin, Flume
«Լավագույն ռեփ կատարում» - Hotline Bling, Դրեյք
«Լավագույն երաժշտական հոլովակ» - Formation, Բեյոնսե
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Գարեգին Երկրորդի եղբոր կալանքը 2 ամսով երկարաձգվեց
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Մի շարք հասցեներում լույս չի լինի
Իրանում վերականգնվել է ինտերնետային կապը
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...