Ունե՞ն արժանապատվություն ՀՀ քաղաքացիները, թե չունեն
Կեղծ հայրենասերներն անմիջապես կվերցնեն իրենց երեւակայական սուրը ու կնետվեն նրա վրա, ով կհամարձակվի նման հարցադրում անել: Նրանք կասեն, թե ինչպե՞ս կարող են արժանապատվություն չունենալ ՀՀ քաջ քաղաքացիները, որոնց նախապապերը եղել են Տիգրան Մեծը, Լեւոն Երկրորդը, Գարեգին Նժդեհը կամ Մեսրոպ Մաշտոցը:
Իսկ ի՞նչ կասեին Տիգրան Մեծը կամ Աշոտ Երկաթը տեսնելով միկրոավտոբուսում իրար վրա հենված մի քանի տակ ծալված ՀՀ հպարտ քաղաքացիներին: Ինչ կմտածեին այդ երթուղայիններում սրա նրա գրկում կամ ձեռքի տակ հայտնված կանանց եւ աղջիկների, նրանց ամուսինների, հայրերի եւ եղբայրների մասին:
Հետաքրքիրն այն է, որ նույն այդ եղբայրներին, հայրերին կամ ամուսիններին եթե մեկը զայրույթի պահին հայհոյի, ապա նրանք առնվազն կփորձեն հարվածել եւ պատիվ պահանջել, բայց մտքներով չի անցնում պատիվ պահանջել նրանցից, ովքեր ամեն ինչ անում են, որ իրենց կինը, դուստրը, քույրը աշխատանքի, դասի կամ հյուր գնա այլ տղամարդկանց հետ սերտ, չափից դուրս սերտ շփման պայմաններում կամ ինչ որ մեկի գրկում հայտնված՝ մի քանի տակ էլ ծալված:
Որտե՞ղ են այդ արժանապատիվ ամուսինները կամ եղբայրները, երբ նրանց կանանց եւ քույրերին մեկ այլ տղամարդ քամահրանքով եւ տիրավարի ստիպում է «ձայն բերել», իսկ հետո հայտնվել օտար բնակավայրում ինչ որ մեկի օգտին այնտեղ քվեարկելու համար:
Հիմա հարց՝ ունե՞ն արժանապատվություն ՀՀ քաղաքացիները, թե՞ չունեն: Ընդամենը մի հարցադրում:
Վստահ ենք, հիմա քաջ հայրենասերները կշտապեն ասել՝ ի՞նչ է ուշանան աշխատանքից կամ դասից, զրկվեն աշխատանքից կամ աշխատավարձից: Ընտրությունը ձերն է: Մարդը միշտ էլ ընտրություն ունի, բայց կորացած աշխատանքի շտապող տղամարդը, կինը, նրա ամուսինը չեն կարող արժանապատիվ կյանքով ապրել, արժանապատիվ աշխատանք եւ աշխատավարձ ունենալ: Ամեն ինչ փոխկապակցված է: Ընդ որում, ամեն ինչ շատ պարզ է: Եթե մի քանի օր չխցկվեք լեփ լեցուն երթուղայինի մեջ, ապա տրանսպորտի վիճակը կկարգավորվի, եթե հրաժարվեք «ձայն բերելուց», ապա ավելի արժանապատիվ աշխատանք եւ աշխատավարձ կունենաք: Ամեն ինչ ավելի քան պարզ է: Ընտրությունը միշտ մարդունն է:
Top-News.am
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա