Նյու Յորքում ցուցադրվել է Ցեղասպանության մասին պատմող «Տան մյուս կողմը» վավերագրական ֆիլմը

Նյու Յորքում հունվարի 23-ին կայացել է Նարե Մկրտչյանի «Տան մյուս կողմը» վավերագրական ֆիլմի ցուցադրությունը, որին ներկա են գտնվել ամերիկյան կինոարդյունաբերության անդամները:

Ինչպես հաղորդում է Horizon Weekly-ն, ֆիլմի ցուցադրությունից առաջ ներածական ելույթով հանդես է եկել ամերիկհայ դերասան և արձակագիր Էրիկ Պողոսյանը:

«Շնորհակալ եմ, որ ֆիլմն ընտրվել է ակադեմիական մրցանակաբաշխության 10 թեկնածուների շարքում: Որպես Հայոց ցեղասպանությունից փրկվածների թոռնուհու` ինձ համար դա մեծ բան է, ինչը նշանակում է, որ այսքան ժամանակ լռության մատնված այս հարցը համընդհանուր ըմբռնում է ձեռք բերել», - ասել է Նարե Մկրտչյանը:

40 րոպե տևողությամբ ֆիլմը պատմում է Թուրքիայի քաղաքացի մի կնոջ մասին, ով 2015 թվականին պարզում է, որ իր մեծ մայրը ցեղասպանությունը վերապրողներից մեկն է, և որոշում է մեկնել Հայաստան՝ մասնակցելու Հայոց ցեղասպանության 100-րդ տարելիցի միջոցառումներին:

Հիշեցնենք, որ ֆիլմն ընդգրկվել էր Օսկարի «Լավագույն վավերագրական կարճամետրաժ ֆիլմ» անվանակարգի կարճ ցուցակում:

tert.am

Այս թեմայով «Ադրբեջանցին Հադրութում հայ ծերունու է գլխատել, դա սովորական պատերազմական հանցագործություն չէ»․ Սիրանուշ Սահակյան Հայաստանում ԵՄ պատվիրակությունը՝ Հայոց ցեղասպանության մասին. Այդ հանցագործությունները երբեք չեն մոռացվի Հոգեւորականների ուղեկցությամբ Ծիծեռնակաբերդի հուշահամալիր այցելեց Գարեգին Բ-ն. Հնչեց Հայր մերը Հիշում ենք եւ պաշտպանում․ ՊՆ խոսնակ Հայոց ցեղասպանության 105-րդ տարելիցն է. բարձրաստիճան պաշտոնյաներն այցելում են Ծիծեռնակաբերդ (տեսանյութ)