ԵԽԽՎ-ն Ադրբեջանին և Հայաստանին կոչ է արել վերադառնալ բանակցությունների սեղանի շուրջ
Եվրոպայի խորհրդի խորհրդարանական վեհաժողովի դիտորդներն Ադրբեջանին և Հայաստանին կոչ են արել անհապաղ դադարեցնել ռազմական գործողությունները և վերադառնալ երկխոսության: ТАСС գործակալութան փոխանցմամբ՝ այս մասին ասվում է Հայաստանի հարցով համազեկուցողներ շվեդուհի Բորիանա Օբերգի ու ֆինն Կիմո Կիլյունենի և Ադրբեջանի հարցով համազեկուցողներ ավստրիացի Շտեֆան Շեննահի ու բրիտանացի Ռոջեր Գեյլի համատեղ հայտարարության մեջ:
«Մենք ծայրահեղ մտահոգված ենք Հայաստանի և Ադրբեջանի միջև ռազմական գործողությունների մեկնարկով և դրանց սրմամբ, որոնք սպառնում են տարածաշրջանային կայունությանը: Մենք խորապես ցավում ենք զինվորականների և քաղաքացիների շրջանում արձանագրված կորուստների համար, որոնց մասին երկու կողմերն էլ հայտնել են: Կոչ ենք անում կողմերին անհապաղ դադարեցնել ռազմական գործողությունները և վերադառնալ բանակցությունների սեղանի շուրջ Մինսկի խմբի ձևաչափում»,- ընդգծում են ԵԽԽՎ ներկայացուցիչները:
Բացի այդ, համազեկուցողները Եվրոպայի խորհրդի մյուս երկրներին կոչ են անում «զերծ մնալ ցանկացած գործողություններից, որոնք կարող են նպաստել լարվածության զարգացմանը տարածաշրջանում»: «Կրկին հայտարարում ենք, որ ԼՂ հակամարտության խաղաղ կարգավորմանն այլընտրանք չկա»,- ընդգծել են համազեկուցողները:
Խորհրդականները նաև ուշադրություն են հրավիրել «Եվրոպայի խորհրդի անդամ պետությունների պարտավորվածություններին՝ իրար միջև հակամարտությունները միայն խաղաղ ուղիներով կարգավորելու հարցով»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները