Երեխայի օրգանիզմին առողջ աճի համար անհրաժեշտ է թթվածնային բավարար սնուցում
Այն պնդումը, թե դիմակ կրելը երեխաների դեպքում խիստ պարտադիր ու անհրաժեշտ է, որեւիցե գիտական հիմնավորում չունի։ Այս մասին facebook-ի իր էջում գրել է ԱԺ «Լուսավոր Հայաստան» խմբակցության պատգամավոր Աննա Կոստանյանը:
Նա, մասնավորապես, նշել է. «Իսկ այն, որ երեխայի օրգանիզմին առողջ աճի համար անհրաժեշտ է թթվածնային բավարար սնուցում, դա կարծում եմ պարզ պիտի լինի ցանկացածի համար։
Որքանո՞վ է արդար երեխաների հանդեպ դիմակի պարտադրանք կիրառել, այն դեպքում, երբ մեծահասակներն ունեն բացառությունների լայն շրջանակ, որոնցով հնարավորություն են ստանում խուսափել դիմակ կրելուց․ փողոցում քայլելիս հեղուկ կամ ուտելիք օգտագործել, ծխել, ժամանցի վայրերում ուտել, սրճել, բնության գրկում խմբերով ժամանակ անցկացնել եւ այլն։
Ըստ Ֆրանսիական Institut Pasteur-ի՝ երեխաները թագավարակի տարածող չեն հանդիսանում։
Պարետատան որոշումները հատկապես աշակերտների վերաբերյալ անհրաժեշտ է վերանայել։
ԱՌԱՋԱՐԿՍ․
1. Հանրային բաց տարածքներում, բացօթյա վայրերում դիմակ կրելու պարտադիր պայմանը հանել․ այն արդարացված եւ տրամաբանական չէ։
2. Դիմակ կրելու պարտադրանքը կիրառել հանրահավաքների ժամանակ, քանի որ գործնականում սոցիալական 1.5 մ հեռավորություն պահելու հնարավորությունը նվազում է,
3. Հանրային այնպիսի փակ տարածքներում, որտեղ սոցիալական հեռավորություն պահելու անհնարինություն կա, օրինակ՝ սուպերմարկետներ, առեւտրի կենտրոններ, տարբեր նշանակության խանութներ եւ այլն, սահմանել դիմակ կրելու պարտադրանք։
4. Նախադպրոցական, հանրակրթական, արահեստագործական եւ միջին մասնագիտական հաստատություններում, բուհերում արդեն իսկ մշակված ուղեցույցի համաձայն կազմակերպել դասապրոցեսը՝ առանց դիմակ կրելու պարտադրանքի։
Եվ քանի որ ուժի մեջ են մտնում կարանտինային սահմանափակումները, եւ ՀՀ քաղաքացին, փաստորեն, պիտի համակերպվի նոր իրավիճակի հետ, ուրեմն Կառավարությունն իր հերթին փոխզիջումների պիտի գնա՝ հնարավորինս մեղմելով քաղաքացիների կյանքը։
Մի՛ ծանրաբեռնեք եւ նոր իրավիճակում էլ ավելի մի՛ բարդացրեք քաղաքացու կյանքը։
Խմբագրված.
Հա, մոռացա մի ճշտում անել, որ արդեն երեկվանից պարետատունն այլեւս չի գործում»:
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ