Դատավորը որոշեց սանկցիա կիրառել Լուսինե Սահակյանի նկատմամբ, նիստն ընդմիջվեց

Այսօր «Սասնա ծռեր»-ի անդամներից 18-ի գործով դատական նիստը մեկնարկից րոպեներ անց անորոշ ժամանակով ընդմիջվեց։ Գործը նախագահող դատավոր Արտուշ Գաբրիելյանը գնաց խորհրդակցական սենյակ՝ փաստաբան Լուսինե Սահակյանի նկատմամբ սանկցիա կիրառելու որոշում կայացնելու համար։

Դատավորը հայտարարեց, որ առանց իր թույլտվության Սահակյանը տեղից ելույթ է ունեցել։

Այս դատավարությունով անցնում են «Սասնա ծռեր»-ից 18-ը՝ Պավել Մանուկյանի որդին՝ Արամ Մանուկյանը, Հովհաննես Հարությունյանը, Թաթուլ Թամրազյանը, Արամ Հակոբյանը, Արթուր Մելքոնյանը, Գևորգ Իրիցյանը, Տիգրան Սարգսյանը, Տիգրան Մանուկյանը, Արայիկ Հակոբյանը, Արթուր Սողոմոնյանը, Գառնիկ Հովակիմյանը, Հովհաննես Վարդանյանը, Վարդան Գերավետյանը, Մարտիրոս Հակոբյանը (Դեդ), Սերգեյ Կյուրեղյանը, Թորոս Թորոսյանը, Մանվել Աթոյանը և Վարդգես Գևորգյանը:

Ոստիկանության ՊՊԾ գնդի տարածքը գրաված զինված խմբի գործի շրջանակներում ավելի քան 60 մարդ է մեղադրվում, որոնց հիմնական մասին մեղսագրվում է կազմակերպված խմբի կողմից ապօրինի կերպով զենք և զինամթերք կրելը, փոխադրելը, շենք շինություններ գրավելը, պատանդ վերցնելը, գույք ոչնչացնելը։

Այս թեմայով «Սասնա ծռեր»-ի գործով նիստին փաստաբաններն ինքնաբացարկի միջնորդություն ներկայացրեցին նախագահող դատավորին «Վրեժխնդրություն լինելու է». Արայիկ Խանդոյանի խոշտանգման մասին հայտարարություն «Սասնա ծռեր»-ի անդամներին ծեծի ենթարկելու ահազանգերով ՄԻՊ ներկայացուցիչներն այցեր են ՔԿՀ