Ամենահրաշալին ոգեշունչ մարդիկ են, որոնցով բնակեցված է այս երկիրը. Միլսը՝ իր պաշտոնավարման մասին
Ամենահրաշալին ոգեշունչ մարդիկ են, որոնցով բնակեցված է այս երկիրը: Այս մասին ԱՄՆ դեսպանատան Facebook-ի իր էջում գրել է դեսպան Ռիչարդ Միլսը՝ ամփոփելով դեսպանի պաշտոնում իր գտնվելու երկու տարին:
Նա, մասնավորապես, գրել է.
«Այս երկուշաբթի ես հետադարձ հայացք նետեցի ու հավատս չի գալիս, որ ուղիղ երկու տարի առաջ հենց այս օրը ես երդմամբ ստանձնեցի Հայաստանում 8-րդ ԱՄՆ դեսպանի պաշտոնը:
2015թ. այդ օրն առանձնահատուկ էր նրանով, որ ես նորովի սկսեցի արժեւորել իմ հիացմուքն ու սերը ամենայն հայկականի հանդեպ ու նաեւ որպես դեսպան, ինձ չտեսնված մի հնարավորություն տրվեց, որ ես ի ցույց դնեմ այն ամենը, ինչ կապում է մեր երկու երկրներին՝ սկսած տնտեսական կապերից մինչեւ ռազմական համագործակցություն, մաեստրո Մալխասից մինչեւ պուլիցերյան մրցանակակիր բանաստեղծ Բալաքյան եւ նույնիսկ մինչեւ Քարդաշյանների ձեռներեց ընտանիք:
Ես եւ Լին մեծ սիրով ծանոթացել ենք բազմաթիվ բարեհաճ ու հյուրընկալ մարդկանց ՝ այս գեղեցիկ երկրի բոլոր վայրերից: Այստեղ՝ Երեւանի մեր նստավայրում սիրով հյուրընկալել եմ բազմաթիվ հայ բարեկամների ու գործընկերների:
Ի դեպ, այստեղ Հայաստանում մենք նաեւ կատու ենք ձեռք բերել, անունը՝ Գոզո: Ժամանելուց ի վեր մեզ համար շատ հետաքրքիր էր հենց տեղացիներից լսել այստեղի անցուդարձի մասին. դա կարող էր լինել մեր տանը, երբ ճաշից հետո մի բաժակ կոնյակ էինք ճաշակում, կամ համաժողովի մեծ սեղանի շուրջ, որտեղ հայկական սուրճ էինք վայելում ու խոսում, զրուցում այն մասին, թե ինչպիսի ապագա են տեսնում երկրի համար ու նշում, թե ինչ կարող է անել Միացյալ Նահանգները օգնելու Հայաստանին դառնալ ավելի բարեկեցիկ ու ժողովրդավար:
Հայաստանում բոլոր դպրոցականներն անգիր գիտեն ու մեջբերում են ամերիկացի նկարիչ Ռոքվել Քենթի խոսքերն այն մասին, որ աշխարհում Հայաստանից զատ չկա մեկ այլ վայր, որտեղ մեկտեղված են այդքան հրաշալիքներ: Ես ու Լին լիովին համամիտ ենք պարոն Քենթի հետ, իսկ ամենահրաշալին անկասկած ոգեշունչ մարդիկ են, որոնցով բնակեցված է այս երկիրը, մարդիկ որոնց շնորհիվ Հայաստանը դիմակայել է դաժան պատմությանը ու դիմակայում է մարտահրավերներով լեցուն ներկային:
Եվ երկրորդ, ամենահրաշալի բանն այստեղ նվիրված թիմի ՝ հայերից ու ամերիկացիներից կազմված դեսպանատան թիմի հետ աշխատելն է, թիմ, որն ամեն օր լծված է հայ-ամերիկյան բարեկամությունը ամրապնդման գործին: Ես ու Լին դեռ այստեղ ենք լինելու ու եթե կան տեղեր, որոնք պետք է անպայման այցելել, եթե կան ուտեստներ, որ պետք է ճաշակել, ապա խնդրում եմ ասել ինձ դրանց մասին:
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
ԿԳՄՍՆ-ն զգուշացնում է ուսուցիչներին
Հօգուտ Դիլիջան համայնքի կբռնագանձվի 2 միլիոն 970 հազար դրամ
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Իրանական կամպանիայի ամերիկյան ծախսերը կարող է հասնել 31 մլրդ դոլարի
Արթուր Ալեքսանյանը չի մասնակցի ըմբշամարտի Եվրոպայի առաջնությանը
«Արտեմիս II» տիեզերագնացները Լուսնի ձգողականության ազդեցության գոտի են հասել
Ո՞վ է թիրախը՝ գյուղացի՞ն որ ուզում է ջերմոց ունենա, թե՞ ներդրողը, որ ուզում է ջերմոցային ցանց ստեղծի
Սպասվում են տեղումներ, քամու ուժգնացում․ ջերմաստիճանը կնվազի