Մենք որպես ազգ նոր-նոր պետք է ձեւավորվենք եւ գտնենք մեր արժանապատվությունը
Այո, մենք հին ենք, շատ հին ենք: Ունենք հարուստ պատմություն, հարուստ ժառանգություն, բայց մեր պատմության մոտ հազարամյա ամոթալի շրջանը (11-19-րդ դարեր) ծանր հետք է թողել մեր վրա:
Մինչեւ վերջ անկեղծ լինենք: Մենք պետք է նորանոր ջանքեր գործադրենք պետություն ունեցող, այն մեր մեջ կրող ազգի վերածվելու համար: Ցավոք, վերջին տարիներին այս առումով ոչինչ չի արվում: Հակառակը, մեր կողքին ապրողներն իրենց այնպես են պահում, կարծես պետություն չունեցող ժողովուրդ լինեն:
Ինչ ասես այն հայ ծնողներին, որոնք ապրում են Հայաստանում, անկախ Հայաստանում, բայց փնտրում են դայակ՝ ռուսերենի իմացությամբ: Ինչ ասես Հայաստանում ապրող այն ծնողներին, որոնք իրենց երկու, երեք, հինգ տարեկան երեխաների հետ խոսում են ռուսերեն եւ փորձում նրանց խցկել ռուսական դասարաններ:
Չեխովի անվան դպրոցի մեր աղբյուրները վկայում են, խնդրում բարձրաձայնել այն մասին, որ շատ հայ ծնողներ զանազան զարտուղի ճանապարհներ են գտնում իրենց երեխաներին ռուսական դասարաններում տեղավորելու համար:
Գործը հասել է նրան, որ երեխաներին ռուս կամ ռուսաստանցի խնամակալ են ձեւակերպում, որ այդ թղթերով խցկեն ռուսական դասարաններ:
Եւս մի զարհուրելի փաստ: Այս անգամ Պուշկինի անվան դպրոցի մեր աղբյուրները հայտնում են, որ առաջին դասարանում ծնողական ժողովներ են հրավիրել եւ ծնողներին հայտնել, թե ֆիզկուլտուրան պետք է շաբաթը երկու անգամ լինի, բայց անելու են մեկ անգամ, իսկ դրա փոխարեն ռուսերեն են անցնելու, քանի որ օրենքով ռուսերենը որպես օտար լեզու երկրորդ դասարանից պետք է անցնեն: Ծնողների մեծամասնությունը հիացական բացականչություններ են արձակել:
Կարծում ենք, որ համապատասխան մարմինները պետք է շատ արագ միջոցներ ձեռնարկեն այս խայտառակությունը վերացնելու համար, իսկ մենք էլ ազգովի մտածենք, թե որ դարում ենք թողել մեր ազգային արժանապատվությունը: Վստահ եղեք, որ եթե գտնենք այդ արժանապատվությունը, ապա ոչ միայն ռուսախոս դայակ չենք փնտրի մեր երեխաների համար, այլ ընտրակաշառք էլ չենք վերցնի:
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...