Բավարիան նվաճեց Չեմպիոնների լիգայի գավաթը

Ֆուտբոլի Չեմպիոնների լիգայի եզրափակիչում, որը տեղի ունեցավ Պորտուգալիայի մայրաքաղաք Լիսաբոնում, Մյունխենի Բավարիան 1:0 հաշվով հաղթեց Պարի Սեն Ժերմենին եւ նվաճեց հեղինակավոր մրցաշարի գավաթը:

Միակ գոլը խաղի 59-րդ րոպեին Կիմիխի փոխանցումից հետո խփեց Կոմանը, որն էլ ճանաչվեց հանդիպման լավագույն ֆուտբոլիստ:

Չեմպիոնների լիգայի 2019/20 մրցաշարի լավագույն ռմբարկու դարձավ Լեւանդովսկին, խփելով 15 գոլ:

Եզրափակիչում Բավարիան հանդես եկավ հետեւյալ կազմով.

Նոյեր, Դեւիս, Ալաբա, Բոատենգ (Զյուլե), Կիմիխ, Գորեցկա, Տյագո (Տոլիսո), Կոման (Պերիշիչ), Մյուլեր, Գնաբրի (Կոուտինյո), Լեւանդովսկի: