Ուշադրություն, դռները փակվում են, հաջորդ կայարանը ՝ «Աջափնյակ»
Նաիրա Զոհրաբյանն իր ֆեյսբուքյան էջում գրում է.
Երեւանի գլխավոր ճարտարապետ Արթուր Մեսչյանի հրաժարականից հետո սոցմեդիայում մի անհասկանալի երաժշտական ընդմիջում սկսվեց։ Բոլորը, որպես «истинный» ֆեյսբուքցիներ, իրենց պարտքը համարեցին հրաժեշտի լալահառաչ մակագրություններով տեղադրել Մեսչյանի երգերն ու օրվա թրենդին համապատասխան՝ հատկապես՝ «Ուր էիր Աստված», երգը։
Թե բա, էս ո՞ւր ես Աստված ջան, որ սենց մարդը հրաժարական ա տալիս ու դու ձեն չես հանում։
Գուցե Արթուր Մեսչյանը լավ «բարդ» երգիչ է, գուցե նա նաեւ լավ ճարտարապետ է։ Ես չգիտեմ, բայց պրոֆեսիոնալների հետ չեմ վիճում։
Սակայն, ես որպես ՀՀ քաղաքացի ու նաեւ որպես Երեւանի քաղաքապետի նախկին թեկնածու, ում թիմը Երեւանը ապրելու համար առավել հարմարավետ քաղաք դարձնելու լուրջ ծրագիր էր ներկայացրել, եւ ոչ միայն սլայդներով ու պլպստան բրոշյուրներով, այլեւ երեւանցու սեղանին էինք դրել կոնկրետ ներդրողների հետ կոնկրետ ժամանակացույցով պայմանավորվածություններ՝ քաղաքի աղբահանության, էլեկտրական տրանսպորտի, մահվան վերելակները վերցանելու, քաղաքի կանաչապատման ու բազմաթիվ այլ իրատեսական ծրագրեր, որոնց տակ կոնկրետ գումարներ էին դրված, շատ մեծ գումարներ։ Ու ահա ես ուզում եմ խիստ առարկայական, առանց էմոցիաների եւ՝ «ուր էիր Աստված կանչելու», Արթուր Մեսչյանին մի քանի թեթեւ հարց տալ։
Հարգարժան «բարդ» ու հարգարժան ճարտարապետ, երեւանցին մերժեց Երեւանը մաքուր, լուսավոր կանաչապատ, անաղբ դարձնելու մեր ծրագիրը, որովհետեւ «դմբ-դմբ-հու»- ի աղմուկը էն ժամանակ խլացրեց ցանկացած բանական միտք։
Հետո եկաք դուք ու միանգամից մի քանի խոշորածավալ ծրագիր շփփացրեցիք. մեկը՝ մինչեւ 2019-ի վերջը ավարտին հասցնել Աջափնյակի նոր մետրոյի երկու կայարանի նախագծման աշխատանքներն ու սկսել շինարարությունը, ու էլի մինչեւ 2019-ի վերջը պիտի սկսվեին 32 տեղանոց նոր ճոպանուղու շինաշխատանքները, որը որպես քաղաքային տրանսպորտի տեսակ, Մասիվը պիտի կապեր Կենտրոնին։
Հա, հետո էլ էդ ճոպանուղու մի գիծ էլ քաշելու էիք դեպի Հաղթանակ զբոսայգի։
Չեմ հիշեցնում էն մանր-մունր ծրագրերը, որոնց մասին խոսեցիք ձեր նշանակման 100 օրվա ասուլիսի ժամանակ։ Ընդամենը հիշեցնում եմ էս երկու, ինչպես դուք ասեցիք էդ ասուլիսում, ստրատեգիական ծրագրերը, որոնք միանշանակ արվելու են։
Հիմա կա՞ Աջափնյակում բնակիչ, ով տուն է գնում մետրոյի «Աջափնյակ» կայարանով։ Եթե կա, խնդրում եմ ինձ տեղյակ պահի, թե որտե՞ղ է մետրոյի «Աջափնյակ» կայարանը. ի դեպ, ըստ Մեսչյանի՝ երկու կայարանները, որովհետեւ ինքը Աջափնյակում խոստացել էր մետրոյի երկու կայարան կառուցել։
Ու եթե կա մարդ, ով մեսչյանական ճոպանուղիով Մասիվից իջել է Կենտրոն համայնք, էդ էլ ասեք՝ տեղը իմանանք։
Իսկ եթե լուրջ, հարգարժան պարոն Մեսչյան, էսպես չեն գնում՝ «եկա, տեսա, խոստացա, չարեցի ու գնացի»։ Դուք երեւանցուն, ձեր քաղաքական թիմին անվերապահ աջակցություն տված երեւանցուն կամ՝ ձեր թիմի աջակցություն չտված երեւանցուն ուրիշ բան չունե՞ք ասելու, թե ինչպե՞ս եղավ, որ իրականում ոչ մի բան էլ չեղավ ու դուք եւ ձեր թիմը ընդամենը հերթական անիմաստ սկվազնյակները արեցիք։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...