Վրաստանում կրոնական կազմակերպությունները իրավահավասարություն են պահանջում
Վրաստանի Սահամադրական Դատարանը ընթացիկ տարվա փետրվարի 6-ին ուսումնասիրության տակ է առել երկրում գործող մի շարք կրոնական կազմակերպությունների՝ Վրաստանի Խորհրդարանի դեմ ուղղված դատական հայցը, հաղորդում է «Վրաստանի հայ համայնքը»:
Կրոնական կազմակերպությունները երկրի Սահմանադրական Դատարանից պահանջում են հաստատել՝ խտրականություն չէ՞ արդյոք այն փաստը, որ երկար տարիների ընթացքում միայն Վրաց եկեղեցին է նվերի տեսքով պետությունից ստանում տարբեր պետական սեփականություններ։
«Վրաստանի Սահմանադրական դատարանը երկրի Խորհրդարանի դեմ հայց է հարուցվել Վրաստանի մուսուլմանների Գերագույն վարչության, ավետարանական-մկրտական, ավետարանական, ավետարանական-լյութերական եկեղեցիների և Փրկության եկեղեցու անունից։ Կրոնական կազմակերպությունները խնդրում են Վրաստանի Սահմանադրական դատարանին ուսումնասիրել՝ չի՞ հանդիսանում արդյոք խտրականություն և Սահմանադրական իրավահավասարության խախտում այն փաստը, որ Կառավարությունը անփոխհատույց կերպով պետական սեփականությունը փոխանցում է միայն Վրաց Ուղղափառ Եկեղեցուն։
Կրոնական կազմակերպությունները կարծում են, որ տվյալ փորձը խտրականություն է, քանի որ այլ կրոնական կազմակերպությունները, գործող օրենսդրության համաձայն՝ չեն կարող Կառավարությունից ստանալ պետական սեփականություն։ Տվյալ իրավունքից կարող է օգտվել իայն Վրաց Ուղղափառ եկեղեցին։ Կրոնական կազմակերպությունների հայցը կուսումնասիրվի Դատարանների Առաջին Կոլեգիայի նիստի ընթացքում», -ասված է Վրաստանի Սահմանադրական Դատարանի տարածած հայտարարությունում։
Հարկ է նշել, որ երկրի Սահմանադրական դատարանին հայցով դիմած կրոնական կազմակերպությունների շարքում չկա ո´չ հրեական համայնքը, ո´չ հռոմեա-կաթոլիկ թեմը, ո´չ Վիրահայոց թեմը։
Հիշեցնենք, որ պետականության վերակնագնման պահից մինչ օրս վրաց պետությունը պարբերաբար և մեծ քանակությամբ Վրաց ուղղափառ եկեղեցու սեփականությանն է հանձնում անփոխհատույց կերպով տարբեր տեսակի պետական սեփականություններ։
Ինչ վերաբերում է այլ կրոնական կազմակերպություններին, ապա նրանց մի մասը, ոչ միայն չի ստանում պետությունից «նվերներ»՝ տարբեր պետական սեփականությունների տեսքով, այլև մինչ օրս ապարդյուն պահանջում է վերադարձնել Խորհրդային տարիներին բռնագրաված և արդեն պետականության ձեռքբերման ժամանակահատվածում Վրաց եկեղեցու Պատրիարքարանի հսկողությանը հանձնված իրենց պատկանող մասնավոր սեփականությունը։
Լուրեր Հայաստանից - NEWS.am
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
ԿԳՄՍՆ-ն զգուշացնում է ուսուցիչներին
Հօգուտ Դիլիջան համայնքի կբռնագանձվի 2 միլիոն 970 հազար դրամ
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Իրանական կամպանիայի ամերիկյան ծախսերը կարող է հասնել 31 մլրդ դոլարի
Արթուր Ալեքսանյանը չի մասնակցի ըմբշամարտի Եվրոպայի առաջնությանը
«Արտեմիս II» տիեզերագնացները Լուսնի ձգողականության ազդեցության գոտի են հասել
Ո՞վ է թիրախը՝ գյուղացի՞ն որ ուզում է ջերմոց ունենա, թե՞ ներդրողը, որ ուզում է ջերմոցային ցանց ստեղծի
Սպասվում են տեղումներ, քամու ուժգնացում․ ջերմաստիճանը կնվազի